काठमाडौं ।
ह्वावेले सेमिकण्डक्टर (अर्धचालक)हरूको अभाव र कारखाना स्थानान्तरण समस्याहरूले यसको लक्सिड एस ७ (Luxeed S7) सेडानको उत्पादन र डेलिभरीमा ढिलाइ गरेको बताएको छ। कम्पनीले यो समस्या अर्को महिनाबाट समाधान गरिने स्थानीय मिडिया आउटलेट क्यालियान्सेले रिपोर्ट गरेको छ।
यसले ह्वावेका प्रबन्ध निर्देशक र यसको स्मार्ट कार समाधानका अध्यक्ष रिचर्ड यूलाई उद्धृत गरेको छ, जो इभी १०० थिंक ट्याङ्कद्वारा आयोजित वार्षिक फोरममा चेरीको लक्सिड एस ७ सेडानको बारेमा बोल्दै थिए।
चिनियाँ अटोमेकर चेरी र अर्को ह्वावे साझेदार, चांगन अटोले टेक दिग्गजले निर्माण गरेको कम्प्युटिङ इकाईमा उत्पादन समस्याहरूले कसरी आफ्नो फ्ल्यागशिप मोडेलको डेलिभरीमा ढिलाइ गरेको भनेर ह्वावेसँग गुनासो गरेका थिए।
रोयटर्सकाअनुसार, लक्सिड एस ७ सेडान चेरीको लक्सिड इभी ब्रान्डको पहिलो मोडल नोभेम्बर २८ सम्म लगभग २० हजारको अर्डरमा थियो। लक्सिडले जनवरीमा खरीदकर्ताहरूलाई वाचाअनुसार कार उपलब्ध गराउन असमर्थ भएमा १० हजार युआनसम्म प्रतिपूर्ति गर्न सकिने बताएको थियो।
लक्सिड एस ७ इभीको मूल्य २ लाख ४९ हजार ८०० युआन (३४,७१६.६२ डलर) बाट शुरु हुन्छ।
यो ब्रान्ड गत नोभेम्बरमा मात्र लन्च गरिएको थियो र ह्वावेद्वारा धेरै प्रचार गरिएको थियो जसमा यू ले एस ७ ले टेस्लाको लक्जरी मोडल एसलाई परफरमेन्समा र मोडेल ३ भन्दा कम मूल्यमा हराउने दाबी गरेको थियो।
युले इभी १०० फोरममा यसको अटो व्यवसाय इकाईले गत वर्ष अर्बौं युआन गुमाएपछि यसका साझेदारहरूले बनाएको मध्यदेखि उच्च-अन्तका मोडेलहरूको बलियो बिक्रीका कारण अप्रिलदेखि नाफामा फर्किने बताएका छन्।
प्रकाशित: ६ चैत्र २०८०, मंगलवार
