काठमाडौं ।
भारतमा दूरसञ्चार सेवाग्राहीको संख्या तीव्र गतिमा बढेको एक सरकारी तथ्यांकले देखाएको छ।
गत वर्षको डिसेम्बरमा, भारतीय दूरसञ्चार ग्राहक संख्या मासिक आधारमा १ अर्ब १९ करोडमा मामूली वृद्धि भएको थियो। ठूला टेलिकम कम्पनीहरू भारती एयरटेल र रिलायन्स जियोका ग्राहकहरूको संख्या बढेको छ।
टेलिकम रेगुलेटरी अथोरिटी अफ इन्डिया (ट्राई) को तथ्यांक अनुसार डिसेम्बरमा मोबाइल ग्राहकको संख्या बढेर १ अर्ब १९ करोड ३ लाख पुगेको छ। अघिल्लो महिना यो संख्या १ अर्ब १८ करोड ५७ लाख थियो।
भोडाफोन आइडियाका ग्राहकको संख्या १३.६८ लाखले घटेको छ भने सरकारी टेलिकम कम्पनी बीएसएनएलका करिब १.५ लाख ग्राहकले सेवा छाडेका छन्।
गत वर्षको डिसेम्बरमा पनि वायरलाइन ग्राहकको संख्या बढेर ३ करोड १८ लाख पुगेको थियो। अघिल्लो महिना यो संख्या करिब ३.१५ करोड थियो । रिलायन्स जियोका वायरलाइन सब्सक्राइबर २.४६ लाखले बढेका छन्। भारती एयरटेलले ८२,३१७ नयाँ ग्राहकहरू प्राप्त गरेको छ। बीएसएनएलले करिब ३४,२५० वायरलाइन ग्राहक गुमाएको छ।
यसबीचमा ट्राईले कल ड्रपको समस्या समाधान गर्न कडा नियमहरू बनाउने विचार गरिरहेको छ। मोबाइल नेटवर्कको गुणस्तर र कभरेज सुधार गर्न सरकारले ११.६ बिलियन डलरभन्दा बढीको स्पेक्ट्रम लिलामी गर्ने योजना बनाएको रिपोर्टमा उल्लेख छ।
प्रकाशित: १४ फाल्गुन २०८०, सोमबार
