काठमाडौं ।
ओपनएआईले च्याटहरूलाई धेरै सहज बनाउनका लागि भनेर च्याटजीपीटीमा परिवर्तनहरू गर्ने भएको छ। तिनीहरूमा मेमोरी फिचर (सुविधा) थप्ने जनाइएको छ, जसको अर्थ च्याटजीपीटीले तपाईं र तपाईंको विगतका कुराकानीहरू सम्झन सक्षम हुनेछ।
साथै, मेमोरीले तपाईंले विगतमा च्याटबोटमा खुलासा गर्नुभएको सबै कुरा समावेश गर्न सक्ने थप उल्लेख गरिएको छ।
तपाईंले अब प्रत्येक पटक कुराकानी गर्दा आफ्नो कुराकानी दोहोर्याउनु नपर्ने हुनेछ। च्याटजीपीटीले या त तपाईंले सिधै बताउनुभएको विवरणहरू सम्झन सक्नेछ, वा तपाईंले यसलाई थप प्रयोग गर्दै जाँदा यसले तपाईंको बारेमा बिस्तारै क्रमिक रुपमा सिक्दै जानेछ।
बोटसँगको तपाईंको अन्तरक्रियालाई थप व्यक्तिगत बनाउन मद्दत गर्नका लागि र तपाईं प्रत्येक पटक स्क्र्याचबाट सुरु गरिरहनु भएको जस्तो कम महसुस गराउने तवरले यसलाई तयार पारिएको उल्लेख छ।
यद्यपि यो मेमोरी केवल ब्ल्यांकेट फिचर मात्र नभएको र तपाईले प्रयोग गर्नुहुने जीपीटीको प्रत्येक संस्करणको लागि विशिष्ट भएको बताईएको छ।
यसले अन्य धेरै टुल्सहरूलाई पनि थप उपयोगी बनाउन सक्नेछ, जस्तै तपाईंलाई आफ्नो अध्ययनको योजना बनाउन मद्दत गर्ने वा तपाईंको फिटनेस प्रगतिको ट्रयाक राख्नलाई मद्दत गर्नेछ।
यद्यपि, प्रयोगकर्ताहरूको बारेमा विवरणहरू सम्झने च्याटबोटको विचारमा यसको नकारात्मक पक्षहरू पनि रहेका छन्।
पूर्वनिर्धारित रूपमा, यो मेमोरी फिचर सक्रिय हुनेछ, र ओपनएआईले भविष्यमा च्याटजीपीटी ले कसरी काम गर्छ भनेर सुधार गर्नका लागि यी मेमोरीहरू प्रयोग गर्ने योजना बनाएको उल्लेख छ। अहिलेको लागि, यो प्रयोगकर्ताहरूको सानो समूहमा मात्र परीक्षण भइरहेको गीज्मोचाइनाले उल्लेख गरेको छ।
प्रकाशित: २ फाल्गुन २०८०, बुधबार
