मेटाले इन्स्टाग्राम र फेसबुकमा किशोरकिशोरीको सुरक्षाका लागि कडा मेसेज सेटिङ लागू गर्ने

काठमाडौं ।

सामाजिक सञ्जालमा किशोरकिशोरीहरूको सुरक्षाको बारेमा चलिरहेको चिन्ताको जवाफमा, मेटाले इन्स्टाग्राम र फेसबुकमा किशोरहरूको लागि कडा डिफल्ट डाइरेक्ट मेसेजिङ सेटिङ लागू गर्दैछ।

कानुन निर्माता र अभिभावकहरूले यी प्लेटफर्महरूमा हानिकारक सामग्रीहरूमा युवा प्रयोगकर्ताहरूको सम्भावित जोखिमको बारेमा चिन्ता व्यक्त गरिरहँदा मेटाबाट यो कदम आएको हो।

मेटाको भर्खरको ब्लग पोस्टमा कम्पनीले किशोरकिशोरीहरूले फलो नगरेको वा इन्स्टाग्राममा पहिले नै कनेक्सन नभएका व्यक्तिहरूबाट डाइरेक्ट मेसेज प्राप्त गर्ने विकल्पलाई असक्षम पार्ने बताएको छ। यो परिवर्तन वयस्कहरूमा मात्र नभई अन्य किशोरहरूमा पनि लागू मिन्टले उल्लेख गरेको छ।

१६ वर्षभन्दा कम उमेरका प्रयोगकर्ता वा विशेष देशमा १८ वर्षभन्दा कम उमेरका प्रयोगकर्ता अब सिर्फ ती व्यक्तिको मेसेज प्राप्त गर्न सक्नेछन् वा ग्रुप च्याटमा जोडिन सक्छन्। जोसँग उनीहरु पहिलै जोडिएका छन्।

पर्यवेक्षित अकाउन्टको हकमा किशोरहरूलाई यी सेटिङहरू परिमार्जन गर्न अभिभावकको स्वीकृति चाहिन्छ, र यो नियम मेसेन्जरमा पनि विस्तार हुनेछ।

एक ह्वाइटलब्लोअरले आन्तरिक कागजातहरू प्रकट गरेपछि मार्च २०२२ मा इन्स्टाग्राममा सुपरिवेक्षण टूलको कार्यान्वयन सुरु भएको थियो। लीक भएका कागजातहरूले सुझाव दिए कि फेसबुकले जानाजानी आफ्ना प्रयोगकर्ताहरूको कल्याण र सुरक्षामा नाफालाई प्राथमिकता दिइएको थियो। त्यस पछि यस विषयमा व्यापक बहस छेडिएको थियो।

अक्टोबर २०२३ मा, ३० भन्दा बढी अमेरिकी राज्यहरूले मेटा विरुद्ध हानिकारक युवा मार्केटिङ अभ्यासहरूमा संलग्न भएको आरोप लगाउँदै मुद्दा दायर गरेका थिए।