काठमाडौं ।
मंगल र यसको वरपरका सबै चीजहरू प्राचीन कालदेखि नै मानवताको लागि आकर्षणको विषय बनेको छ। रातो ग्रह, जसको रंग नाङ्गो आँखाले देख्न सकिन्छ। यसलाई देवता, एलियनहरूको ग्रह, आक्रमणकारीहरूको ग्रह भन्ने पनि गरिन्छ। दशकौंको वैज्ञानिक अध्ययनले मंगल ग्रहको सतहमा लाखौं वर्ष पहिले पानी थियो र सम्भवतः जीवन रहेको निष्कर्ष निकालेको छ।
तर मंगलमा पानी रहेको भन्ने निर्णायक प्रमाण भने फेला पार्न अझै बाँकी छ। तर कुनै समय मंगलमा पानी रहेको विश्वासका साथ वैज्ञानिकहरु अध्ययन गरिरहेका छन्।
मंगल ग्रहको सतहमा घुमिरहेको नासाको पर्सिभेरन्स रोभरले भर्खरैको खोजमा पानी बगेको प्रमाण फेला पारेको छ।
नासाले यस महिनाको सुरुमा एउटा तस्बिर जारी गरेको थियो। पर्सिभेरन्सको मास्टक्याम–जेड क्यामराले लिएको इमेजले मंगल ग्रहको जेजिरो क्रेटरमा चारैतर्फ छरिएको चट्टान र ढुंगाहरुको एक विचित्र संग्रह देखाउँछ।
यसको सही स्थान जेजिरो क्रेटरमा कास्टेल हेनसिसमा छ। नासाले तस्विरमा देखिने चट्टान र ढुंगाहरू ‘अरबौं वर्षअघि बलियो बाढीको पानी’बाट आएको बताएको वियोन्यूजले रिपोर्ट गरेको छ।
पर्सिभेरन्स मिसनको महत्वपूर्ण उद्देश्य एस्ट्रोबायोलोजीसँग सम्बन्धित छ। जसमा कुनै अन्य ग्रहमा जीवनको निर्णायक प्रमाणहरू समावेश छन्।
प्रकाशित: १२ पुष २०८०, बिहीबार
