२०२३ मा चीनको भिडियो गेम बजारमा सुधार, घरेलु बिक्री ४२.६ बिलियन डलर नाघ्यो

काठमाडौं ।

चीनको भिडियो गेम बजारले २०२३ मा वृद्धि देखेको छ। यस वर्ष चीनको भिडियो गेमको घरेलु राजश्व १३ प्रतिशतले बढेर ३०३ बिलियन युआन (४२.६ बिलियन अमेरिकी डलर) मा पुगेको छ। दुई वर्ष अघि बेइजिङको ८ महिनाको कारबाहीका कारण भिडियो गेमको राजश्व घटेको थियो।

उद्योग संघ सीजीआईजीसीले शुक्रबार ग्वाङ्झाउमा भएको सम्मेलनमा यस वर्ष उद्योगको आन्तरिक राजश्व पहिलो पटक ३०० अर्ब युआनभन्दा बढी पुगेको बताएको छ। यस वर्ष चीनमा गेमर्सको संख्या ०.६१ प्रतिशतले बढेर ६६८ मिलियन पुगेको छ। यो उत्तर अमेरिकाको सम्पूर्ण जनसंख्या भन्दा बढी हो।

गेमिङ लतको चिन्ताका कारण उद्योगमा बेइजिङको ८ महिनाको कारबाही पछि गत वर्ष पहिलो पटक चीनमा गेमिङ राजश्व घटेको थियो। हालको वृद्धि संसारको सबैभन्दा ठूलो गेमिङ बजारका लागि एक महत्वपूर्ण परिवर्तन रह्यो।

बेइजिङले प्रविधिमा आत्मनिर्भरताको आवश्यकतालाई जोड दिँदा चीनमा विकसित खेलहरू बढ्दै गयो। घरेलु खेलबाट वार्षिक आम्दानी गत वर्षको तुलनामा १५ प्रतिशतले बढेर २५६ बिलियन युआन पुगेको छ।

तर, भारत जस्ता देशहरूले राष्ट्रिय सुरक्षाका आधारमा उनीहरूमाथि छानबिन गरेपछि विदेशी बजारमा चिनियाँ खेलहरूबाट हुने राजश्वमा असर परेको छ। सन् २०२३ मा चीनको विदेशी खेल राजश्व ५.६५ प्रतिशतले घटेर १६.३ बिलियन अमेरिकी डलर पुगेको छ।

चीनको एनिमे–स्ट्याइल गेम जस्ता मिहोयोको ‘जेनशिन इम्प्याक्ट’ ले लोकप्रियता हासिल गर्नुका साथै राजश्व बढेको छ। जबकि स्मार्टफोनहरूमा एनिमे स्ट्याइल गेम्स गत वर्षको तुलनामा यस वर्ष ३१ प्रतिशत वृद्धि गरी ३१ बिलियन युआन पोष्ट गरेको छ।

चीनको गेमिङ उद्योगको रिकभरी चिनियाँ गेमिङ जायन्ट टेन्सेन्टले गत वर्ष पहिलो पटकको राजश्वमा गिरावट पोष्ट गरेपछि यस वर्षको वृद्धि देखेको छ।

टेनसेन्टको प्रतिद्वन्द्वी नेटइजले एक बलियो वर्षको अनुभव गरेको छ। फर्मको ‘एग पार्टी’ लगायत गेमिङ हिटको मद्दतले यस वर्ष सेयर ४० प्रतिशत भन्दा बढीले बढेको छ।