काठमाडौं ।
चीनको व्यावसायिक पुन: प्रयोगयोग्य रकेट एसक्यूएक्स २ वाई (SQX-2Y) ले ठाडो टेक-अफ र अवतरण उडान परीक्षण सफलतापूर्वक पूरा गरेको यसको बेइजिङस्थित रकेट विकासकर्ता आई-स्पेसले बताएको छ।
१७ मिटर अग्लो प्रदर्शन रकेट, पुन: प्रयोगयोग्य क्यारियर रकेट टेक्नोलोजी प्रमाणित गर्न डिजाइन गरिएको हो, र यो उत्तरपश्चिम चीनको जिउक्वान स्याटेलाइट प्रक्षेपण केन्द्रबाट बिहीबार स्थानीय समयअनुसार दिउँसो २:०० बजे उडाईएको चिनियाँ समाचार एजेन्सी शिन्ह्वाले रिपोर्ट गरेको छ।
तरल अक्सिजन मिथेन इन्जिनद्वारा संचालित, रकेट स्टेज १७८.४२ मिटरको उचाइसम्म जमीनबाट उड्यो। ५० सेकेन्डभन्दा बढी समयपछि यो ०.०२५ मिटर प्रति सेकेन्डको गतिमा सहज रूपमा लक्षित स्थानमा अवतरण भयो। अवतरण स्थिति सटीकता लगभग १.६८ मिटर थियो।
आई-स्पेसका अनुसार यस परीक्षण मिशन मार्फत, प्रमुख प्रविधिहरूको कोर डाटा प्राप्त गरिएको छ, र मिसनले मध्यम र ठूलो पुन: प्रयोग गर्न मिल्ने तरल अक्सिजन मिथेन रकेटको विकासको लागि प्राविधिक सहयोग प्रदान गरेको छ।
प्रकाशित: २१ कार्तिक २०८०, मंगलवार
