Technology Khabar १७ कार्तिक २०८०, शुक्रबार
काठमाडौं ।
डिश मिडिया नेटवर्क लिमिटेड (डिशहोम फाईवरनेट), नेपालको एक अग्रणी इन्टरनेट सेवा प्रदायकले टि२० विश्वकप फाइनल एसिया छनोटमा नेपाल टोलीलाई समर्थन गर्न नेपाल क्रिकेट संघ (क्यान) सँग आफ्नो साझेदारी गरेको छ।
डिशहोम फाईवरनेट र नेपाल क्रिकेट संघ (क्यान) बीचको सहकार्य एउटा महत्वपूर्ण समयमा आएको छ जब नेपाल टोली अन्तर्राष्ट्रिय मञ्चमा छाप बनाउन प्रयासरत छन्।
चलिरहेको टि२० विश्वकप एशिया छनोटको ठूलो महत्व भएको, र डिशहोम फाईवरनेटको सहयोगमा, टोलीले आर्थिक अवरोध बिना आफ्नो प्रदर्शनमा ध्यान केन्द्रित गर्न सक्छन् भन्ने कम्पनीले आशा गरेको छ।
डिशहोम फाईवरनेटका कार्यकारी उपाध्यक्ष रमेश सापकोटाले आफ्नो उत्साह व्यक्त गर्दै भने, “हामी नेपाल टोलीलाई समर्थन गर्न र नेपाली क्रिकेटको प्रवर्द्धन गर्न पाउँदा उत्साहित छौं। हाम्रो प्रतिबद्धता क्यानलाई आवश्यक स्रोत र सहयोग उपलब्ध गराउनु हो।”
यसअघिनै डिशहोमले हाल संचालनरत प्रतियोगितामा विभिन्न सफलता हाल पार्ने खेलाडीका लागि नगद पुरस्कार दिने घोषणा गरेको छ।
प्रकाशित: १७ कार्तिक २०८०, शुक्रबार
