काठमाडौं ।
अर्को वर्ष “एप्पल वाच अल्ट्रा ३ उपलब्ध नहुन सक्ने बताइएको छ। विश्लेषक मिङ-ची कुओकाअनुसार “एप्पल वाच अल्ट्रा ३” विकास भइरहेको कुनै संकेत नभएको बताइएको हो।
“नयाँ एप्पल वाच अल्ट्रा २०२४ मा रिलिज हुने सम्भावना कम हुँदैछ।
यदि एप्पलले आधिकारिक रूपमा एप्पल वाच अल्ट्रा ३ परियोजना डिसेम्बरसम्म शुरू गर्दैन भने, हामीले २०२४ मा नयाँ एप्पल वाच अल्ट्रा देख्ने छैनौं,” कुओले बताए।
यदि एप्पल वाच अल्ट्रा अर्को वर्ष अप्डेट नगरिएको भए एप्पललाई “नवीन स्वास्थ्य व्यवस्थापन सुविधाहरू विकास गर्न थप समय चाहिन्छ” र माइक्रो-एलईडी उत्पादनसँग सम्बन्धित “समस्याहरू ठेगाना” चाहिन्छ,” उनले बताए।
यो ठूलो २.१ इन्चको माइक्रो-एलईडी डिस्प्ले भएको नयाँ एप्पल वाच अल्ट्रा २०२५ वा २०२६ मा लन्च हुने चर्चा रहेको उल्लेख छ।
यो अनुमान एप्पल वाच अल्ट्रा २ रिलिज भएको एक महिना पछि आएको हो। अल्ट्रा २ का मुख्य नयाँ सुविधाहरूमा ३ हजार निट्ससम्मको पीक ब्राइटनेस भएको ५० प्रतिशत उज्यालो डिस्प्ले, फास्ट एस ९ चिप, स्क्रिन टच नगरिकन वाचसँग इन्टर्याक्ट गर्नका लागि सिरी डिभाइसमा “डबल ट्याप” जेस्चर, ६४ जीबी आन्तरिक भण्डारण लगायत समावेश रहेको बताइएको छ।
ओरिजिनल एप्पल वाच अल्ट्रा गत वर्ष रिलिज गरिएको थियो, त्यसैले मोडलहरू एक वर्षको फरकमा लन्च गरियो।
प्रकाशित: ११ कार्तिक २०८०, शनिबार
