एनभिडिया र आईफोन निर्माता फक्सकनले ‘एआई फ्याक्ट्री’ बनाउने

काठमाडौं ।

विश्वको मूल्यवान चिप कम्पनी एनभिडिया र आईफोन निर्माता फक्सकनले  ‘एआई फ्याक्ट्री’ बनाउने भएका छन्।

कम्पनीहरुका अनुसार यो नयाँ प्रकारको डाटा सेन्टर हो जसले एप्लिकेसनको ‘वाइड रेञ्ज’ लाई शक्ति दिन एनभिडिया चिप्स प्रयोग गर्दछ।

यसमा अटोनोमस मेहिकल, रोबोटिक्स प्लेटफर्म र ठूलो भाषा मोडल प्रशिक्षण समावेश छ।

अमेरिकाले अधिक एडभान्स चिप्स चीनमा निर्यात कटौती गर्ने योजनाको एनभिडियाका लागि झड्काको रुपमा रहेको थियो।

कम्पनीका अनुसार यस हप्ता वाशिंगटनले घोषणा गरेको पछिल्लो निर्यात प्रतिबन्धले चिनियाँ बजारका लागि एनभिडियाद्वारा निर्मित दुई हाई–एण्ड आर्टिफिसियल इन्टेलिजेन्स चिप्स ए८०० र एच८०० को बिक्रीलाई रोक्नेछ।

ताइवानमा जन्मेका एनभिडियाका प्रमुख कार्यकारी जेन्सेन हुआंग र फक्सकनका अध्यक्ष यंग लिउले बुधबार ताइपेईमा फक्सकनको वार्षिक टेक शोकेसमा स्टेज साझा गरेका थिए।

‘नयाँ प्रकारको उत्पादन देखा परेको छ। इन्टेलिजेन्स उत्पादन र यसलाई उत्पादन गर्ने डाटा सेन्टरहरू एआई कारखानाहरू हुन्,’ हुआंगले भने, रोयटर्सका अनुसार फक्सकनसँग विश्वव्यापी रूपमा यी कारखानाहरू निर्माण गर्ने विशेषज्ञता र क्षमता रहेको छ।

लिउले यो पनि भने कि फक्सकनले स्मार्ट शहरहरू र स्मार्ट निर्माणलाई एआई कारखानाहरूको लागि अन्य अनुप्रयोगहरूको रूपमा उद्धृत गर्दै, ‘निर्माण सेवा कम्पनीबाट आफूलाई प्लेटफर्म सोलुसन कम्पनीमा रूपान्तरण गर्ने प्रयास गरिरहेको छ।’

एआई एप्लिकेसनमा कम्पनीको एडभान्स चिप्सको बढ्दो प्रयोगका कारण एनभिडियाको बजार पुँजीकरण १ ट्रिलियन अमेरिकी डलर भन्दा बढी पुगेको छ। यस वर्ष कम्पनीको सेयर मूल्य ३ गुणा बढीले बढेको छ।

योसँगै एनभिडिया एप्पल, माइक्रोसफ्ट, अल्फाबेट र अमेजनसँगै “ट्रिलियन डलर क्लब“ मा सामेल हुने पाँचौं सार्वजनिक रूपमा व्यापार गरिएको अमेरिकी कम्पनी बनेको छ।

यसैबीच, विश्वका आधाभन्दा बढी एप्पल उत्पादनहरू बनाउने फक्सकनले आफ्नो व्यवसायलाई विविधीकरण गर्न र व्यक्तिगत कम्प्युटर र स्मार्टफोनहरू एसेम्बल गर्नमा आफ्नो सफलता दोहोर्याउने प्रयास गरिरहेको छ।

जुनमा बीबीसीसागको एक विशेष अन्तर्वार्तामा लिउले विद्युतीय सवारी (ईभी) ले आगामी दशकहरूमा कम्पनीको वृद्धिलाई अघि बढाउने बताएका थिए।

जनवरीमा फक्सकन र एनभिडियाले अटोनोमस भेहिकल प्लेटफर्महरू विकास गर्न साझेदारीको घोषणा गरेका थिए। जसमा फक्सकनले एनभिडियाको चिप्समा आधारित कारहरूको लागि इलेक्ट्रोनिक कन्ट्रोल यूनिट निर्माण गर्नेछ।