काठमाडौं ।
प्रि–अर्डरको रेकर्डहरूमा रेकर्डको पोस्ट गरेको एप्पलले चीनमा आफ्नो आईफोन १५ सिरिजमा अनुमान गरेको बिक्रीमा ढिलासुस्तिको सामना गरिरहेको नयाँ रिपोर्टहरूले उल्लेख गरेको छ।
काउन्टरपोइन्टद्वारा सङ्कलन गरिएको डाटाको आधारमा चीनमा आईफोन १५ को रिलीज पछिको पहिलो १७ दिनहरूमा आईफोन १४ जेनेरेशनको तुलनामा आईफोन १५ को बिक्री ४.५ प्रतिशतले कम रहेको उल्लेख छ।
त्यसैगरी जेफरीज समूहका विश्लेषकहरूले त अझ तीव्र रुपमा दोहोरो अंकको गिरावटको अनुमान गरेको जीएसएमएरिनाले रिपोर्ट गरेको छ।
ह्वावेले आफ्नो भर्खरै लन्च गरिएको मेट ६० सिरिजको साथ एप्पललाई पछाडी पारेको र जेफरीज विश्लेषकहरूले ह्वावेले सन् २०२४ मा एप्पललाई वास्तविक रूपमा उछिन्न सक्ने विश्वास व्यक्त गरेको उल्लेख गरिएको छ।
साथै आईफोन १५ सिरिजको लन्च पश्चात डिभाइसहरुमा अत्यधिक तात्ने समस्याहरू उत्पन्न भएसँगै चीनमा माग घटेको हुन सक्ने अनुमान छ। सन् २०२२ देखि स्मार्टफोनको माग एकदमै कम भएको र ऐतिहासिक रूपमा लो भ्यालु देखिनुका साथै पहिलो पटक ३०० मिलियन एकाइहरू भन्दा तल झरेको छ।
साथै आईफोन १५ सिरिज सन् २०१८ को आईफोन एक्सएस जेनरेशन पछिको सबैभन्दा कम बिक्री हुने मात्राको बाटोमा हुन सक्ने थप उल्लेख गरिएको छ।
प्रकाशित: १ कार्तिक २०८०, बुधबार
