काठमाडौं ।
सामसङ एसडीआई र अटोमेकर स्टेलान्टिसले कोकोमो, इन्डियानामा रहेको नयाँ विद्युतीय गाडीको ब्याट्री प्लान्टमा ३.२ बिलियन अमेरिकी डलरभन्दा बढी लगानी गर्ने योजना बनाएका छन्।
विश्वव्यापी रूपमा घोषणा गरिएको स्टेलान्टिसको छैटौं ब्याट्री प्लान्ट धेरै हदसम्म अपेक्षित थियो, तर स्थान र समय उल्लेखनीय भएको सीएनबीसीले उल्लेख गरेको छ।
यो घोषणा बुधवार विवादास्पद अमेरिकी श्रम हडताल र स्टेलान्टिस र युनाइटेड अटो वर्कर्स युनियन बीचको सम्झौता वार्ताको क्रममा गरिएको थियो। यसको नेतृत्व यूएसडब्ल्यूको अध्यक्ष शान फेनले गरेको थिए। उनी कोकोमोका हुन्।
श्रम वार्तामा ब्याट्री प्लान्टहरू मुख्य मुद्दा बनेको छ। किनभने यूएसडब्लयले ईभी ब्याट्री रोजगारीलाई आफ्नो दीर्घकालीन व्यवहार्यताको लागि महत्वपूर्ण रूपमा लिन्छ। जनरल मोटर्स गत हप्ता युनियनसँग कम्पनीको राष्ट्रिय सम्झौतामा यसको ईभी ब्याट्री प्लान्टमा कामदारहरू समावेश गर्न सहमत भयो, जसलाई फेनले ‘रूपान्तरणकारी जीत’ भने।
संघले स्टेलान्टिस र फोर्ड मोटरबाट पनि ब्याट्री प्लान्टका लागि यस्तै प्रकारको सम्झौताको अपेक्षा गरिएको फेनले बताए।
‘योजना भनेको इन्जिन र ट्रान्समिसन प्लान्टहरू बन्द गर्ने र तीनलाई स्थायी रुपमा कम ज्यालाको ब्याट्री रोजगारी मार्फत बदल्ने थियो,’ फेनले शुक्रबार भने, ‘हामीसँग फरक योजना थियो, र हाम्रो योजना जीएममा जित्दैछ। र हामी फोर्ड र स्टेलान्टिसमा पनि जित्ने आशा गर्छौं।’
ईभी ब्याट्री प्लान्टहरू अटोमेकरको आरएएम पिकअप ट्रक र डज मसल कारको इलेक्ट्रिक भर्सन जस्ता मोडेलहरू निर्माण गर्ने योजनाहरूको लागि महत्वपूर्ण छन्।
नयाँ स्टेलान्टिस ब्याट्री प्लान्ट आटोमेकर र सामसङ एसडीआईबीच स्टारप्लस इनर्जी नामको संयुक्त उद्यम मार्फत कोकोमोमा योजना बनाइने दोस्रो सुविधा हो। कम्पनीका अनुसार यी दुई प्लान्टहरूले २ हजार ८०० नयाँ रोजगारी सिर्जना गर्ने अपेक्षा गरिएको छ।
पहिलो सुविधा २.५ बिलियन अमेरिकी डलरको प्लान्ट निर्माणाधीन छ। यसबाट २०२५ को पहिलो क्वाटरमा उत्पादन सुरु गर्ने तालिका छ। दोस्रो प्लान्टले २०२७ को सुरुवातमा ब्याट्री सेल उत्पादन सुरु गर्ने अपेक्षा गरिएको छ।
‘हाम्रो ब्याट्री इकोसिस्टम हाम्रो विद्युतीकरण रणनीतिको आधार हो र हाम्रा महान साझेदारहरू सामसङ एसडीआई, इन्डियाना राज्य र कोकोमो शहरको कोकोमोमा हाम्रो छैटौं गिगाफ्याक्ट्री स्थापित गर्नका लागि एक आकर्षक केन्द्र बनेको छ,’ उत्तर अमेरिकाका लागि स्टेलान्टिस सीओओ मार्क स्टीवर्टले एक विज्ञप्तिमा भने।
प्रकाशित: २९ आश्विन २०८०, सोमबार
