मंगल ग्रहमा २ किलोमिटर अग्लो धुलोको आँधी देखियो, नासाको रोभरले बनायो भिडियो

काठमाडौं ।

नासाको पर्सिभेरन्स रोभरले मंगल ग्रहको निरन्तर अन्वेषण गरिरहेको छ। रोभरले त्यहाँबाट नमूना सङ्कलन गरिरहेको छ। किनभने अन्तरिक्ष वैज्ञानिकहरूको सबैभन्दा महत्वाकांक्षी मिशन भनेको पृथ्वी बाहिर अन्तरिक्षमा कतै जीवन खोज्नु हो।

पर्सिभेरन्स रोभरले मंगल ग्रहको यात्रामा धेरै अनौठा कुराहरू पनि फेला पारेको छ, जसको बारेमा नासाले प्रायः आफ्नो सामाजिक सञ्जाल ह्यान्डल मार्फत अपडेट दिईरहन्छ। तर अब पर्सिभेरन्स रोभरले मंगल ग्रहमा मौसमको अचम्मको दृश्य देखेको छ।

नासाको रोभर पर्सिभेरन्स मंगल ग्रहमा जेजेरो क्रेटरको खोजी गरिरहेको थियो। यहाँ हिँड्दा उसले मंगल ग्रहको मौसमको यस्तो दृश्य देखेको छ, जुन अहिलेसम्म देखिएकोको थिएन्।

रोभरले मंगल ग्रहमा धुलोको आँधी आएको देखेर क्यामरामा यसलाई कैद गर्यो। यो आँधी मंगल ग्रहमा पूर्वबाट पश्चिमतर्फ सर्दै थियो। यसको गति १९ किलोमिटर प्रतिघण्टा थियो। यो घटना अगस्ट ३० तारिखमा थोरोफेअर रिजबाट गुज्रिरहेको बेला भएको बताइएको छ। नासाले यसको भिडियो पनि शेयर गरेको छ।

Mars dust devil caught in action! This video, which is sped up 20 times, was captured by one of my navigation cameras. ???? More on what my team is learning: https://t.co/PhaOYOTrFH pic.twitter.com/vRaAVszcm5

— NASA's Perseverance Mars Rover (@NASAPersevere) September 29, 2023

मंगल ग्रहको नासाको भिडियोमा, मंगल ग्रहको धुलोले भरिएको यो तूफान जेजेरो क्रेटरको पश्चिमी चक्रबाट गुज्रिरहेको देख्न सकिन्छ। भिडियो २१ फ्रेमलाई मिलाएर बनाईएको छ। प्रत्येक फ्रेम ४ सेकेन्डको भिडियो हो। भिडियो २० गुणा गतिमा देखाइएको छ।

वैज्ञानिकहरूले तथ्यांकका आधारमा यो आँधी थोरोफेअर रिजबाट ४ किलोमिटर टाढा रहेको बताएका छन् । यसको फैलावट ६० मिटरसम्म रहेको बताइएको छ। भिडियोमा यसको तल्लो भाग मात्रै देखिन्छ जसको उचाई ११८ मिटर रहेको बताइएको छ। जबकि वैज्ञानिकहरुका अनुसार यो करिब २ किलोमिटर अग्लो हुनसक्ने अनुमान गरिएको छ।

धुरोको आँधी पृथ्वीमा पनि बारम्बार आउँछ। माथि उठिरहेको तातो हावा तल आउने चिसो हावाको सम्पर्कमा आउँदा तिनीहरू बन्छन्। वैज्ञानिकहरू भन्छन् कि मंगल ग्रहमा यस्तो धेरै ठूलो मात्रामा हुन्छ। त्यसकारण त्यहाँ आँधीहरू ठूला र उच्च हुने गर्दछन्। अहिले पर्सिभेरेन्स रोभर मंगल ग्रहको उत्तरी गोलार्धमा घुमिरहेको छ। अहिले त्यहाँ गर्मीको मौसम चलिरहेको बताईएको छ।