काठमाडौं ।
तपाइँले कुनै समय वा अवस्थामा आफ्नै गल्तिले फोनमा भण्डारण गरिएका फोटो र भिडियोहरू मेटाएको हुन सक्छ। यसपछि, तपाईंले धेरै कठिनाई महसुस गर्नुभएको हुन सक्छ र अझ तपाईंले मेटिएका फोटो र भिडियोहरू पुन: प्राप्त गर्न नसक्दा झनै तनाब हुन सक्दछ।
यदि तपाईलाई यस्तो केहि भयो भने तपाईले अब चिन्ता लिनु पर्दैन, किनकि यहाँ हामी तपाईलाई फोनबाट डिलिट भएका फोटो र भिडियोहरू रिकभर गर्ने एउटा सजिलो तरिका बताउन गइरहेका छौँ, जसमा तपाईले केही सजिलो चरणहरू मात्र पालना गर्नुपर्नेछ।
फोनमा हुन्छ एक विशेष फोल्डर
धेरै मानिसहरूलाई एन्ड्रोइड स्मार्टफोनहरूमा ग्यालरी एप अन्तर्गत एक विशेष फोल्डर अवस्थित हुन्छ भन्ने जानकारी थाहा छैन। यसमा फोनबाट डिलिट भएका सबै फोटो र भिडियोहरू हुन्छन्। यसमा पछिल्लो ३० दिनमा डिलिट भएका सबै फोटो वा भिडियोहरू रहेका हुनेछन्। तर यहाँ यो डाटा केवल ३० दिन को लागी रहन्छ। यस्तो अवस्थामा तपाईले आफ्नो फोनबाट डाटा डिलिट गरे पनि ३० दिनसम्म फेरी त्यसलाई रिकभर गर्न सक्नुहुन्छ।
यसरी डिलिट भएका फोटो र भिडियोहरू पुन: प्राप्त गर्नुहोस्
-सबैभन्दा पहिले फोनमा रहेको ग्यालरी एपमा जानुहोस्।
त्यसपछि यहाँ तल जानुहोस्। त्यसपछि तल दिइएको एल्बम्स ट्याबमा जानुहोस्।
-त्यसपछि यहाँ तल आउनुहोस् र भर्खरै मेटाइएको अर्थात (Recently Deleted) विकल्पमा ट्याप गर्नुहोस्।
-यहाँबाट तपाईंले रिकभर गर्न चाहनुभएको सबै भिडियो र फोटोहरू पुन: प्राप्त गर्न सक्नुहुन्छ।
-रिकभरी पछि, फोटो र भिडियोहरू तिनीहरूको पहिलेकै स्थानमा फर्किनेछन्।
गुगल फोटोजबाट पनि रिकभर गर्न सकिन्छ
यो काम गुगल फोटोज मार्फत पनि गर्न सकिन्छ। यसका लागि तपाईंले गुगल एपमा जानुपर्नेछ। त्यसपछि रिसाइकल बिनको फोल्डरमा जानुपर्छ। मेटाइएका वस्तुहरू गुगल फोटोजको यस फोल्डरमा ६० दिनसम्म सुरक्षित रहन्छन्। यो फोल्डरमा जानुहोस् र तपाईंले पुनर्स्थापना गर्न चाहनुभएको सबै फोटो र भिडियोहरू चयन गर्नुहोस्। त्यसपछि रिस्टोर बटनमा ट्याप गर्नुहोस्।
प्रकाशित: १४ आश्विन २०८०, आईतवार
