काठमाडौं ।
फिनल्याण्डका तीन क्यारियरहरूले रूसमा ब्रान्डको उपस्थितिको कारण शाओमी स्मार्टफोनहरूको बिक्री स्थगित गरेका छन्।
प्रमुख तीन फिनिश क्यारियरहरूमा टेलिया, डीएनए र एलिसा हुन्। फिनल्याण्डमा अनुगमन गरिएको भर्खरैको रिपोर्टमा बताइएअनुसार कम्पनीहरूले रूस-युक्रेन युद्ध सुरु भएपछि रसियामा शाओमीको उपस्थितिको प्रतिक्रियामा बिक्री स्थगित गरेको छ।
यद्यपि, दुई अन्य खुद्रा विक्रेताहरू, जीगान्टी र भर्कोकप्पाले भने शाओमी इयू कानूनको उल्लङ्घनमा नरहेकाे र त्यसैले उनीहरूको बिक्री स्थगित नहुने बताए।
यस वर्षको सुरुमा, युक्रेनको भ्रष्टाचार रोकथाम राष्ट्रिय एजेन्सीले शाओमीलाई युद्धको अन्तर्राष्ट्रिय प्रायोजकको रूपमा घोषणा गर्यो। यो रूसमा शाओमीको सक्रिय उपस्थितिको कारण थियो।
फिनल्याण्डका कम्पनीहरूले चिनियाँ ब्रान्डसँगको विद्यमान सहयोग स्थगित गर्ने निर्णय गरेका छन्। जबकि उनिहरूले कुनै पनि नयाँ शाओमी उपकरणहरू बिक्री नगर्ने निर्णय गरेका छन्। उनीहरूले पहिले नै स्टकमा रहेका उत्पादनहरू मात्र बेच्ने गिज्माेचाइनामा रिपोर्ट गरिएको छ।
खुद्रा बिक्रेताहरू मध्येकाे एक, डिएनएले शाओमी रूसको अवस्थाको ह्यान्डलिङसँग सन्तुष्ट नभएकाे बतायाे। हालको ब्याच समाप्त भएपछि यसले स्टकहरू पुनः भर्ने छैन भनेर पनि पुष्टि गरेको छ। तेस्रो कम्पनी एलिसाले शाओमी डिभाइसहरूको दायरा घटाउँदै रहेकाे तथा यसले सबै बिक्री गर्दै अघि बढ्ने बताइएकाे छ।
फिनल्याण्डमा एक शताब्दीभन्दा लामो समयदेखि रुस विरोधी भावना रहेको छ। भर्खरैको सर्वेक्षणले लगभग ७६ प्रतिशत फिनिशहरूले रूसप्रति नकारात्मक दृष्टिकोण राख्ने अनुमान गरेको छ। त्यस्तै, लगभग ९० प्रतिशत जनसंख्याले रूस विश्वव्यापी शान्तिको लागि खतरा हो भन्ने विश्वास गर्छ।
प्रकाशित: ७ आश्विन २०८०, आईतवार
