Technology Khabar २६ भाद्र २०८०, मंगलवार
काठमाडौं ।
चिनियाँ ब्राण्ड ह्वावेले आफ्नो नयाँ फोल्डेबल स्मार्टफोन ह्वावे मेट एक्स ५ (Huawei Mate X5) सार्वजनिक गरेको छ। कुनै धूमधाम बिना यो फोन सिधै ह्वावे मलमा ल्याइयो। कम्पनीले यस्तो उत्पादन सार्वजनिक गरेको यो पहिलो पटक भने होइन्। विगतमा, धेरै ह्वावे डिभाइसहरू सिधै ह्वावे मलमा ल्याइएका छन्।
ह्वावेको फोल्ड फोनको बाहिरी भागमा ६.४ इन्चको ओएलईडी एलटीपीओ डिस्प्ले छ भने भित्री भागमा ७.८५ इन्चको फोल्ड गर्न मिल्ने ओएलईडी एलटीपीओ डिस्प्ले दिइएको छ। फोनमा १६ जीबी र्याम र ५१२ जीबी स्टोरेज छ।
ह्वावे मेट एक्स ५ को विशिष्टता र सुविधाहरू
ह्वावे मेट एक्स ५को अगाडिको डिस्प्ले जुन ६.४ इन्चको छ, जसको रिजोल्युसन २५०४ x १०८० पिक्सेल छ। ७.८५ इन्च फोल्डेबल डिस्प्ले भित्र २४९६ x २२२४ पिक्सेलको रिजोल्युसन छ। दुवै डिस्प्लेमा १२० हर्जसम्मको रिफ्रेस दर दिइएको छ। फोनमा साइड फेसिङ फिंगरप्रिन्ट सेन्सर छ।
फोनको प्रोसेसरबारे कम्पनीले केही बताएको छैन्। यस कारण, उपकरणको फाइभजी कनेक्सनको बारेमा कुनै जानकारी छैन। ह्वावे मेट एक्सको अगाडि ८ एमपी क्यामरा र पछाडि ५० एमपी मुख्य सेन्सर छ। यी बाहेक फोनमा १३ एमपी अल्ट्रा वाइड लेन्स र १२ एमपी पेरिस्कोप लेन्स उपलब्ध गराइएको छ।
यो फोल्डेबल फोन ५,०६० एमएएच ब्याट्री समर्थनको साथ आउँदैछ, यो उपकरणमा ६६ वाटको वायर्ड चार्जिङ छ। साथै त्यहाँ ५० वाट वायरलेस चार्जिङको लागि समर्थन छ। यो फोन डुअल स्याटेलाइट कनेक्टिभिटीको साथ आउँछ, जसको अर्थ यसले स्याटेलाइट नेटवर्कलाई पनि सपोर्ट गर्छ।
ह्वावे मेट एक्स ५ मूल्य र उपलब्धता
ह्वावे मेट एक्स ५ दुई भेरियन्टमा लन्च गरिएको छ। १२ जीबी र्याम र ५१२ जीबी स्टोरेज तथा १६ जीबी र्याम र ५१२ जीबी स्टोरेज रहेको छ। यसलाई फेदर ब्ल्याक, फेदर ह्वाइट, फेदर गोल्ड, ग्रीन माउन्टेन डाई र फ्यान्टम पर्पल जस्ता कलर विकल्पहरूमा खरिद गर्न सकिन्छ।
कम्पनीले ह्वावे मेट एक्स ५ कलेक्टर संस्करण पनि ल्याएको छ, जसमा १६ जीबी र्याम ५१२ जीबी स्टोरेज र १ टीबी भण्डारण हुनेछ। फोनहरूको मूल्य अझै थाहा छैन। यन्त्रहरू सेप्टेम्बर १५ बाट बिक्रीको लागि ल्याउने संभावना छ। अर्कोतर्फ कम्पनीले विश्वव्यापी उपलब्धताको बारेमा केही बताएको छैन।
प्रकाशित: २६ भाद्र २०८०, मंगलवार
