काठमाडौं ।
बेलायत युरोपेली आयोगको होराइजन रिसर्च कार्यक्रममा फेरी सहभागी हुने भएको छ।
बेलायत र युरोपेली आयोगहरूले बेलायतलाई ईयूको होराइजन रिसर्च र इनोभेसन कार्यक्रम, साथै कोपर्निकस अर्थ अवलोकन कार्यक्रममा पुन: सामेल हुन एक सम्झौतामा पुगेका छन्।
बेलायतले गत साता युरोपेली संघको प्रमुख होराइजन विज्ञान अनुसन्धान कार्यक्रममा पुन: सामेल हुने घोषणा गरेको हो। यसले साइन्स फण्डमा ईयूसँग दुई वर्षको ब्रेक्सिट पछिको गतिरोध अन्त्य गर्दै सहभागी हुने भएको हो।
सम्झौताले ईयूको युराटम आणविक अनुसन्धान योजना बाहेक, व्यापार मा विवाद समाधान भएको सात महिना पछि द्विपक्षीय सम्बन्धमा थप सुधारको संकेत गर्दछ, र ब्रिटिश वैज्ञानिकहरुद्वारा यसलाई स्वागत गरिएको थियो।
बेलायती प्रधानमन्त्री ऋषि सुनकको कार्यालयले एक विज्ञप्तिमा होराइजन परियोजनासँग “सुधारिएको वित्तीय सर्तहरू” सुरक्षित गरेको बताएको छ।
प्रकाशित: २४ भाद्र २०८०, आईतवार
