काठमाडौं ।
बीवाईडी सिल ५२३ एचपी सम्मको पावरट्रेन र ५७० किलोमिटरसम्मको दायराका साथ युरोपेली बजारमा प्रवेश गर्दैछ।
म्यूनिख मोटर शो मा बीवाईडी सिल प्रदर्शनमा रहेको गिज्मोचाइनाले उल्लेख गरेको छ। सिल सिंगल र डुअल इलेक्ट्रिक मोटर कन्फिगरेसनमा उपलब्ध हुनेछ। यो ८२. ५ किलो वाट प्रति घण्टा ब्याट्री प्याकको साथ आउने बताइएको छ।
चिनियाँ अटोमेकर कम्पनी बीवाईडीले चीनको घरेलु बजारभन्दा बाहिर विस्तार गर्न जारी राखेको छ। यसले अन्य प्रिमियम बजारहरूमा चीनमा आफ्नो उल्लेखनीय प्रदर्शन र नेतृत्व स्थिति दोहोर्याउन खोजिरहेको उल्लेख छ। बीवाईडी सिलले अट्टो ३ र डल्फिन इभीएसले उही ई-प्लेटफर्म ३.० प्रयोग गर्ने यद्यपि, सिल कम्पनीको सेल-टु-बडी प्रविधि प्रयोग गर्ने पहिलो बीवाईडी मोडल हो।इभिको ब्याट्रीलाई कारको संरचनाभित्र इन्हेन्सड् सेफ्टीका लागि समावेश गरिएको बताइएको छ।
सीलले क्याथोड सामग्रीको रूपमा लिथियम- आइरन फोस्फेटमा आधारित उन्नत बीवाईडी ब्लेड ब्याट्री प्रयोग गर्ने उल्लेख छ। युरोपमा सिल ८२.५ किलो वाट प्रति घण्टा ब्याट्री प्याकमा सीमित हुने तथा ६१ किलो वाट प्रति घण्टा अप्सनमा उपलब्ध हुने बताइएको छ।
बीवाईडी सीलको डिजाइन संस्करण (एकल बिजुली मोटर) २३० किलो वाट पावरसम्म आउटपुट गर्छ। यो ५.९ सेकेन्डमा ०-१०० किमी/घण्टाको गतिमा जान सक्ने तथा यसको दायरा ५७० किलोमिटर रहेको उल्लेख छ। सिलको सिल उत्कृष्ट-एडब्ल्यूडी संस्करण दुईवटा इलेक्ट्रिक मोटर र ३९० किलो वाटको कम्बाइन्ड पावरका साथ आउँने बताइएको छ। एडब्ल्यूडी संस्करणले ३.८ सेकेन्डमा १०० किलो मिटर प्रति घण्टा गति थ्रेसहोल्ड हासिल गर्ने तथा ५२० किलो मिटरको दायरा रहेको उल्लेख छ।
सीलको डिजाइन र एडब्ल्यूडी दुवै संस्करणहरूमा १५० के डब्ल्यू डीसी फास्ट चार्जिङ समर्थन सहितको ११ के डब्ल्यू ३ -फेज अनबोर्ड एसी चार्जर छ। सिलको ब्याट्री लगभग २६ मिनेटमा ५० प्रनिशत ले चार्ज गर्न सकिन्छ। सिलसँग २ हजार ९ सय २० एमएमको ह्वीलबेस तथा कार्गो ह्यान्डलिङका लागि ४०० एल क्षमता भएको ट्रङ्क रहेको बताइएको छ।
बीवाईडी सिल २०२३ को चौथो त्रैमासिकसम्ममा युरोपेली बजारमा प्रवेश गर्नेछ। कम्पनीले मोडेलहरूको लागि कुनै मूल्य निर्धारण जानकारी भने प्रदान गरेको छैन। डेलिभरी नोभेम्बरदेखि सुरु हुने अपेक्षा गरिएको छ।
प्रकाशित: २१ भाद्र २०८०, बिहीबार
