काठमाडौं ।
आर्टिफिसियल इन्टेलिजेन्स (एआई) चिप्सको माग बढ्दै गएपछि यसको बिक्री दोब्बरभन्दा बढि बढेर रेकर्ड बनाएको प्रविधि कम्पनी एनभिडियाले जनाएको छ।
कम्पनीका अनुसार जुनको अन्त्यसम्मको तीन महिनामा राजश्व १३.५ बिलियन अमेरिकी डलर भन्दा बढी रहेको छ।
एनभिडियाले चालु त्रैमासिकमा बिक्री अझै बढ्ने अपेक्षा गरेको छ र आफ्नो २५ बिलियन अमेरिकी डलर बराबरको स्टक पुन किन्ने योजना बनाएको बीबीसीले उल्लेख गरेको छ।
न्यूयोर्कमा विस्तारित कारोबारको दौरान कम्पनीको शेयर ६.५% भन्दा बढि बढ्यो, यस वर्ष लगानीकर्ताका लागि कम्पनीको सेयरमा ठूलो लाभ भएको छ।
एनभिडियाले सेप्टेम्बरको अन्त्यसम्म तीन महिनाको अवधिमा करिब १६ बिलियन अमेरिकी डलर राजश्व संकलन गर्ने अपेक्षा गरेको छ।
त्यो वाल स्ट्रिटको अपेक्षा भन्दा धेरै उच्च हो र गत वर्षको सोही समयको तुलनामा करिब १७०% वृद्धि हुनेछ।
“नयाँ कम्प्युटिङ युग सुरु भएको छ,“ एनभिडियाका प्रमुख कार्यकारी जेन्सेन हुआङले एक विज्ञप्तिमा भने।
“विश्वभरका कम्पनीहरू सामान्य–उद्देश्यबाट द्रुत कम्प्युटिङ र जेनेरेटिभ एआईमा परिवर्तन हुँदैछन्,“ उनले थपे।
बलियो प्रदर्शन एनभिडियाको डाटा सेन्टर व्यवसाय द्वारा संचालित थियो, जसमा एआई चिप्स समावेश छ।
क्लाउड कम्प्युटिङ सेवा प्रदायकहरू र ठूला उपभोक्ता इन्टरनेट कम्पनीहरूले कम्पनीको अर्को पुस्ताका प्रोसेसरहरू खरिद गरेपछि त्यो युनिटको राजश्व १०.३ बिलियन अमेरिकीड भन्दा बढी संकलन भएको छ। यो गत वर्षको सोही अवधिको तुलनामा तुलनामा १७०% बढी हो।
यस वर्ष एनभिडियाको शेयर बजार मूल्य १ ट्रिलियन अमेरिकी डलर भन्दा बढि पुगेको छ। एक वर्षको अवधिमा कम्पनीको शेयर मूल्य तीन गुणाले बढेको छ।
अमेरिकामा सार्वजनिक रुपमा कारोबार गर्ने एप्पल, माइक्रोसफ्ट, अल्फाबेट र अमेजनसँगै “ट्रिलियन डलर क्लब“ मा सामेल हुने पाँचौं कम्पनीको रुपमा एनभिडियाले आफ्नो स्थान बनाएको छ।
प्रकाशित: ८ भाद्र २०८०, शुक्रबार
