चन्द्रमाको दौडमा अमेरिकामा पनि समावेश, सेप्टेम्बरमा चन्द्रमाको दक्षिणी ध्रुवमा आफ्नो पहिलो ल्यान्डर प्रक्षेपण गर्ने

काठमाडौं ।

ह्युस्टनस्थित फर्म इन्ट्युटिभ मेसिन्सले आफ्नो नोभा-सी लुनर ल्यान्डर अन्ततः सेप्टेम्बरमा चन्द्रमामा प्रक्षेपण गर्ने घोषणा गरेको छ।

यो कम्पनी लुनर ल्यान्डरहरू निर्माण गर्ने अमेरिकी कम्पनी मध्ये एक हो। लुनर सतहमा वैज्ञानिक पेलोडहरू पठाउन नासा सम्झौताहरूको लागि प्रतिस्पर्धा गरिरहेको छ।

इन्ट्युटिभ मेसिनको लुनर ल्यान्डर चाँडै ‘जान तयार’ हुने

इन्ट्युटिभ मेसिन र यसको एक प्रतिस्पर्धी, एस्ट्रोबायोटिकलाई मे २०१९ मा नासाको ‘कमर्शियल लुनार पेलोड सेवा’ को पहिलो सम्झौता प्रदान गरिएको थियो।

दुबै कम्पनीहरू निर्धारित समयभन्दा झन्डै दुई वर्ष ढिलो चलिरहेका छन्, तर इन्ट्युटिभ मेसिनले अब यो नोभा-सी ल्यान्डर चन्द्रमा पठाउने अन्तिम अवस्थामा रहेको घोषणा गरेको छ।

‘हाम्रो नोभा-सी ल्यान्डर पूर्ण रूपमा बनाइएको छ,’इन्ट्युटिभ मेसिनका सह–संस्थापक र प्रमुख कार्यकारी स्टीव अल्टेमसले सोमबार एक आय कलमा भनेको आर्स टेक्निका रिपोर्ट अनुसार, ‘हामी सेक्टेम्बरमा जानका लागि तयार लुनर ल्याण्डर डेलिभर गर्ने छौं।’

एस्ट्रोबायोटिकले पनि यस वर्षको सुरुमा घोषणा गरेको थियो कि यसको पेरेग्रिन ल्यान्डर पूरा भएको छ र उडानको लागि तयार छ, यद्यपि यसको प्रक्षेपण युनाइटेड लन्च एलायन्स (यूएलए) को अर्को पुस्ताको भल्कन सेन्टौर रकेटमा भएको ढिलाइले पछाडि धकेलिएको छ। आर्स टेक्निकाका अनुसार त्यो मिसन डिसेम्बरको मध्यसम्ममा उड्न सक्छ, यद्यपि यसलाई अर्को वर्षमा ढिलाई गर्न सकिन्छ।

यसै बीचमा इन्ट्युटिभ मेसिनको नोभा–सी, , एस्ट्रोबायोटिकको पेरेग्रीन ल्यान्डर अघि उडान गर्न सक्छ किनभने यसले स्पेसएक्स फाल्कन ९ रकेटमा सवारी बुक गरेको छ। जुन हाल प्रति वर्ष प्रक्षेपणको सन्दर्भमा विश्वको सबैभन्दा भरपर्दो रकेट हो। यसले यो वर्ष ५० पटक भन्दा बढी उडान गरिसकेको छ।

लुनर दक्षिणी ध्रुवमा दौड

दुबै लुनर ल्यान्डर मिशन आगामी हप्ता र महिनाहरूमा चन्द्रमामा हुने ल्यान्डर गतिविधिमा आगामी वृद्धिको हिस्सा हुन्।

रुसको लुना-२५ ल्यान्डर, लगभग ५० वर्षमा पहिलो लुनर ल्यान्डर १५ अगष्ट मा चन्द्रमाको अर्बिटमा प्रवेश गरेको छ। यो भारतको चन्द्रयान-३ चन्द्रमा ल्यान्डरसँग जोडिएको छ, यो अगष्टको शुरुदेखि नै चन्द्रमाको परिक्रमा गरिरहेको छ।

यी दुबै ल्याण्न्डर चन्द्रमाको दक्षिणी अर्बिटमा अवतरण गर्न सेट गरिएको छ, धेरै आगामी चन्द्र मिशनहरूको लागि मुख्य लक्ष्य हो किनभने यहाँ ठूलो मात्रामा बरफको पानी मौजूद भएको विश्वास गरिन्छ।