चीनमा पहिलो अर्ध वार्षिकमा ३.१३ मिलियन न्यू इनर्जी भेहिकलको नयाँ दर्ता

काठमाडौं ।

चीनको सार्वजनिक सुरक्षा मन्त्रालयले शनिबार सार्वजनिक गरेको तथ्याङ्कअनुसार यो वर्षको पहिलो छ महिनामा चीनमा करिब ३.१३ मिलियन नयाँ ऊर्जा सवारी साधन (एनईभी) नयाँ दर्ता भएका छन्। जुन वर्षको तुलनामा ४१.६ प्रतिशतले वृद्धि भएको छ।

यसले जुनको अन्त्यसम्ममा देशमा दर्ता भएका एनईभीको कुल संख्या १ करोड ६२ लाख पुगेको छ, जुन कारको कुल संख्याको ४.९ प्रतिशत भएको शिन्ह्वाले रिपोर्टमा उल्लेख गरेको छ।

तथ्याङ्कअनुसार सन् २०२३ को पहिलो ६ महिनामा चीनमा १६.८८ मिलियन मोटर सवारी दर्ता भएका थिए र जूनको अन्त्यसम्ममा राष्ट्रिय मोटर सवारीको स्वामित्व ४२ करोड ६० लाख युनिटमा पुगेको छ। भर्खरै दर्ता भएका मोटर सवारीमध्ये ११.७५ मिलियन कार थिए। देशमा कारहरूको कुल संख्या ३२८ मिलियन पुगेको छ।

जुनको अन्त्यसम्ममा इजाजतपत्र प्राप्त सवारी चालकको संख्या ५१ करोड ३० लाख पुगेको छ, जसमध्ये ४७ करोड ५० लाख कार चालक रहेको मन्त्रालयले जनाएको छ। सन् २०२३ को पहिलो अर्ध वार्षिकमा, ११.९१ मिलियन मानिसहरूले आफ्नो चालक अनुमतिपत्र प्राप्त गरेको रिपोर्टमा उल्लेख छ।

गत वर्षको सोही अवधिको तुलनामा जुन महिनाको अन्त्यसम्ममा चीनका ८८ सहरमा १० लाखभन्दा बढी कार थिए। बेइजिङ र चेङ्दु दुबैमा कारको संख्या ६० लाख नाघेको छ।