काठमाडौं ।
इन्टेलको १४ औं जेनेरेसनको कोर श्रृंखला अक्टोबरको मध्यमा लन्च हुने बताइएको छ। चिनियाँ मिडिया आउटलेट इसीएसएमका अनुसार लन्च यस वर्षको ४२ औं हप्ता, अर्थात अक्टोबर १७ र अक्टोबर २३ का बीचमा हुनेछ।
उक्त रिपोर्ट इन्टेल रोडम्यापमा आधारित रहेको तर अहिलेसम्म जारी नभएको उल्लेख छ। १४ औं जेन कोर शृङ्खला प्रक्षेपण तालिकाले कोर-के र गैर-के मोडलहरू विभाजन गर्ने सामान्य ढाँचालाई पछ्याउनेछ। ‘नन-के’ मोडलहरू २०२४ को पहिलो हप्तामा लन्च हुने बताइएको छ।
रिफ्रेसले आगामी कोर आई ७-१४७०० के बाहेक नवीनतम बीआइओएस भएका सबै एलजीए १७०० मदरबोर्डहरूसँग काम गर्ने उल्लेख छ। यस प्रोसेसरले ८ प्रदर्शन र १२ कुशल कोरहरूको नयाँ कन्फिगरेसन प्रयोग गर्ने छ जसलाई नयाँ फर्मवेयर चाहिने बताइएको छ।
इसीएसएमले अर्को जेन डेस्कटप प्लेटफर्म एरो लेक पनि उल्लेख गर्दछ। यसले पूर्णरूपमा नयाँ डिजाइन र फरक सकेट सम्भवतः एलजीए-१८५१ को साथ इंटेल डेस्कटप श्रृंखलाको लागि वास्तविक अपडेट ल्याउनेछ। रिपोर्टले इन्टेल जेड८९०, बी८६०, र एच५१० मदरबोर्ड चिपसेटहरूलाई सम्भावित विकल्पहरूको रूपमा सूचीबद्ध गर्ने उल्लेख छ। यस पटक एच ८७० चिपसेटको लागि भने कुनै योजना छैन।
सोही मिडिया आउटलेटले गत वर्ष सेप्टेम्बरको योजनाबद्ध खुलासा पछि, १३ जेन कोर “रेप्टर लेक” मध्य अक्टोबरमा सुरु हुने रिपोर्ट गरेको थियो। र उक्त रिपोर्ट सत्य सावित भएको तथा इंटेलले रिफ्रेसको साथ लगभग समान वार्षिक अपडेट चक्र पछ्याउने देखिएको छ।
१४ औं जेन कोर शृङ्खलाको सुरुवातले इंटेलको डेस्कटप सीपीयूहरूमा सुधारिएको प्रदर्शन, दक्षता, र फरक सकेट जस्ता रोमाञ्चक नयाँ सुविधाहरू ल्याउने उल्लेख छ। एरो लेकको साथ, इंटेलले यसको डेस्कटप श्रृंखलामा पूर्ण रूपमा नयाँ डिजाइनहरूका साथ वास्तविक अपडेट प्रस्तुत गर्ने पनि बताइएको छ।
प्रकाशित: २५ असार २०८०, सोमबार
