काठमाडौं ।
टेस्लाका सीईओ तथा अर्बपति इलन मस्कले फ्रान्सेली राष्ट्रपति इमानुएल म्याक्रोनसँग भेट्ने भएका छन्। टेस्लाले अर्को गिगाफ्याक्ट्रीको लागि युरोपमा साइट सुरक्षित गर्न खोज्दै गर्दा मस्क र राष्ट्रपति म्याक्रोन बिच भेट हुने भएको हो।
गत हप्ताको स्पेनी मिडियाको रिपोर्टअनुसार बहुराष्ट्रिय अटोमेकरले भ्यालेन्सियामा नयाँ कारखानामा अमेरिकी डलर ४.५ बिलियन लगानी गर्नेछ।
रोयटर्सले यसको स्रोत कम्पनी टेस्ला रिपोर्ट गरेको छ। यद्दपी, यसको निर्णय हुन बाँकी रहेको बताइएको छ।
पाँच हप्तामा दोस्रो पटक हुने भनिएको यो भेटमा राष्ट्रपतिसँग मस्कको छलफल शुक्रबार सम्म जारी रहनेछ।
“म एजेन्डा लिएर जाँदैछु”, म्याक्रोनले पत्रकारहरूलाई मस्कसँगको शुक्रबारको भेटबारे सोध्दा भने।
“हामी आर्टिफिसियल इन्टेलिजेन्सको बारेमा कुरा गर्न जाँदैछौं, जसमा उनी संलग्न छन्, सामाजिक सञ्जाल, नियमन ढाँचा र त्यसपछि म फ्रान्सेली र युरोपेली आकर्षण प्रवर्द्धन गर्न कार, ब्याट्रीको बारेमा पनि कुरा गर्नेछु।”
म्याक्रोनलाई विशेष गरी के उनी टेस्ला गिगाफ्याक्ट्री सुरक्षित गर्ने आशामा छन् ? भन्ने विषयमा सोधिएको थियो।
“युरोपमा यी विभिन्न मुद्दाहरू हेर्नको लागि कम्पनीमा भर पर्छ,” उनले जवाफ दिए।
फ्रान्सको डिजिटल मन्त्री जीन- नोएल ब्यारोट बुधवार पेरिसमा भीभा टेक शिखर सम्मेलनमा सीएनबीसीसँग कुरा गर्दै यस बारेमा अझ स्पष्ट पारेका थिए।
“फ्रान्समा टेस्ला कारखाना हुनु राम्रो हुनेछ, यो सम्भव छ र यो हुन सक्छ भनेर सुनिश्चित गर्न धेरै प्रयास र ऊर्जा भएको छ,” ब्यारोटले सीएनबीसीलाई भने।
“हामीले बिजुली ब्याट्रीको सम्पूर्ण क्षेत्रमा पनि लगानी गरेका छौं त्यसैले हामी उसलाई विश्वस्त गराउने प्रयास गर्नेछौं कि फ्रान्स अर्को टेस्ला कारखाना स्थापना गर्न युरोपमा सबैभन्दा राम्रो स्थान हो।”
फ्रान्स एक इभी उत्पादन केन्द्र बन्न चाहन्छ। गत महिना देशले आफ्नो पहिलो इभी ब्याट्री प्लान्ट र पुरानो माइनिङ हटल्याण्ड खोलेको बताइएको छ।अटोमोटिभ सेल कम्पनीको (एसीसी) गीगाफ्याक्ट्रीले फ्रान्स, जर्मनी र इटालीबाट ७ बिलियन युरो योजनाको रूपमा धेरै नयाँ सुविधाहरू निर्माण गर्न १.३ बिलियन युरो कोष प्राप्त गरेको हो।
नयाँ एसीसी कारखानाले २००० जनालाई रोजगारी दिने तथा प्रति वर्ष ८,००,००० इभी ब्याट्रीहरू बनाउने बताइएको छ। यो जर्मनी र इटालीका लागि थप दुई ओटा योजनासहित तीन ओटा प्लान्टहरूमध्ये पहिलो हो।
मार्चमा टेस्लाको कारखाना बर्लिन, युरोपमा यसको एक मात्र, प्रति हप्ता ५,००० इभीहरुको उत्पादन दरमा हिट भएको तथा एक पटक पूर्ण क्षमतामा बर्लिन कारखानाले प्रति वर्ष दुई मिलियन ईभी उत्पादन गर्ने अपेक्षा गरिएको बताइएको छ।
प्रकाशित: ३२ जेष्ठ २०८०, बिहीबार
