बाल यौन दुर्व्यवहार गर्ने नेटवर्कलाई इन्स्टाग्राम एल्गोरिदमको प्रोत्साहन

काठमाडौं ।

इन्स्टाग्रामको एल्गोरिदमहरूले बाल यौन दुर्व्यवहार सामग्री तोक्ने र बेच्ने पेडोफाइलहरूको नेटवर्कलाई सक्रिय रूपमा बढावा दिइरहेका छन्।

द वाल स्ट्रिट जर्नल र स्ट्यानफोर्ड विश्वविद्यालय तथा म्यासाचुसेट्स एमहर्स्ट विश्वविद्यालयका शिक्षाविद्हरूको संयुक्त अनुसन्धानले इन्स्टाग्रामको सिफारिस प्रणालीहरूले ‘पेडोफाइलहरूलाई कनेक्ट गर्ने र सामग्री बिक्रेताहरूलाई मार्गदर्शन गर्ने गरेको पत्ता लगाएको छ।

अनुसन्धानकर्ताहरुले फेला पारेका अकाउन्टहरुमा ह्यासट्यागहरु प्रयोग गरेर विज्ञापन गरिन्छ। तिनीहरूले प्रयोगकर्ताहरूलाई किन्न वा कमिसन गर्नका लागि सामग्रीको “मेनुहरू“ प्रस्ताव गर्छन्, स्वयमलाई हानि पुर्याइएको र मानिस र जनावर बिचको शारिरिक सम्बन्धको भिडियो र इमेजरी समावेश छन्। जब अनुसन्धानकर्ताहरूले परीक्षण अकाउन्ट सेटअप गरे र यी नेटवर्कहरूद्वारा साझा गरिएको सामग्री हेरे, उनीहरूलाई तुरुन्तै थप अकाउन्टहरु फलो गर्न सिफारिस गरियो।

डब्ल्यूएसजेको रिपोर्ट अनुसार ‘केवल यी सिफारिसहरू मध्ये केही फलो गर्नु भनेको परीक्षण अकाउन्टमा बच्चाहरूलाई यौनजन्य सामग्रीको बाढि दिन पर्याप्त थियो।’

रिपोर्टको जवाफमा, मेटाले अनुसन्धानबाट उठेका मुद्दाहरूलाई सम्बोधन गर्न आन्तरिक कार्यदल गठन गरिरहेको बताएको छ।

‘बाल शोषण एक भयानक अपराध हो,’ कम्पनीले भन्यो, ‘हामी यस व्यवहार विरुद्ध सक्रिय रूपमा रक्षा गर्ने तरिकाहरू निरन्तर अनुसन्धान गरिरहेका छौं।’

मेटाले जनवरीमा मात्र आफ्नो बाल सुरक्षा नीतिहरू उल्लङ्घन गर्ने ४ लाख ९० हजार अकाउन्टहरु हटाएको र पछिल्ला दुई वर्षमा २७ पेडोफाइल नेटवर्कहरू हटाएको उल्लेख गरेको छ।

कम्पनीले बालबालिकाको यौनिकरणसँग सम्बन्धित हजारौं ह्यासट्यागहरू ब्लक गर्नुका साथै शब्दहरूलाई प्रयोगकर्ता सर्चबाट प्रतिबन्धित गरेको बताएको छ।