इलन मस्क फेरी भए विश्वको सबैभन्दा धनी व्यक्ति, एकैदिन बढ्यो करिब २ अर्ब डलरको सम्पत्ति

काठमाडौं ।

इलन मस्कले विश्वको सबैभन्दा धनी व्यक्तिको रूपमा आफ्नो स्थान पुन: दावी गरेका छन्।

ब्लुमबर्ग बिलियनियर्स ट्याली अनुसार उनले बर्नार्ड अर्नाल्टलाई उछिनेर पहिलो भएका हुन्। जसले टेस्ला सीईओको कुल सम्पत्ति एलभीएमएच सीईओ बर्नार्ड अर्नाल्टको १८७ बिलियन डलरको तुलनामा अहिले लगभग १९२ बिलियन डलर भएको छ।

दुई सेन्टिबिलियनियरहरु महिनौंदेखि शीर्ष स्थानको लागि प्रतिस्पर्धामा रहेका छन्। सेन्टिबिलियन, एक शव्द जसले १०० बिलियन डलर भन्दा बढीको सम्पत्ति भएका मानिसहरूलाई बुझाउन प्रयोग गरिन्छ।

यस हप्ता, ब्लूमबर्ग गणना अनुसार बुधबार एलभीएमएचको स्टकमा गिरावट आएपछि अर्नाल्टको सम्पत्ति घट्यो।

बर्नार्ड अर्नाल्टको सम्पत्ति एकैदिन ५ अर्ब डलरले घटेको छ भने अर्कोतर्फ मस्कको सम्पत्ति एकैदिन करिब २ अर्ब डलर बढेको छ।

अर्नाल्टले डिसेम्बरमा मस्कलाई उछिनेका थिए, किनकि उसको सम्पत्ति विलासिताका सामानको बिक्रीमा भएको उछालले गर्दा एलभीएमएचको स्टक मूल्य बढाउन मद्दत गर्यो। एलभीएमएच, संसारको सबैभन्दा ठूलो समूह मध्ये एक हो, जून लुइस भ्यूटन, डिओर र सेलाइन लगायतका ब्रान्डहरूको घर हो।

यस बीचमा, मस्कले हालैका वर्षहरूमा विश्वको धनी सूचीमा वृद्धिको आनन्द उठाएका छन् किनकि उनको भाग्य इलेक्ट्रिक अटोमेकर टेस्लासँग प्रत्यक्ष रूपमा जोडिएको छ। उनको सबैभन्दा ठूलो सम्पत्ति कम्पनीको स्टक हो, जसको उनीसँग लगभग १३ प्रतिशत स्वामित्व रहेको ब्लूमबर्गले उल्लेख गरेको छ।

टेस्ला बाहेक उनी रकेट कम्पनी स्पेसएक्स तथा सामाजिक स‌ंजाल ट्विटरका समेत मालिक हुन्।

सूचीको तेस्रो नम्बरमा १४४ अर्ब डलरका साथ अमेजनका मालिक जेफ बेजोस रहेका छन भने त्यसपछि १२५ अर्ब डलरसहित माइक्रोसफ्टका बिल गेट्स छन्।

यस्तै पाँचौ स्थानमा ११८ अर्ब डलरका साथमा ओर्याकलका मालिक ल्यारी इलिसन रहेका छन्।