जियो सिनेमाले ३.२ करोड दर्शकहरूको साथ आइपीएल फाइनल स्ट्रिमिङमा बनायो कीर्तिमान

काठमाडौं ।

विश्वभर लोकप्रिय क्रिकेट प्रतियोगिता इन्डियन प्रिमियर लिग (आईपीएल) को सोमबार फाइनलमा यस प्रतियोगिताको स्ट्रिमिङ पार्टनर जियो सिनेमाले दर्शकको संख्यामा रेकर्ड कायम गरेको छ। वर्षाका कारण रोकिएको खेलमा ओभरको संख्या घटाइएको थियो।

आईपीएल फाइनल चेन्नई सुपर किंग्स (सीएसके) र गुजरात टाइटन्स (जीटी) बीच अहमदाबादको लगभग १ लाख ३० हजार दर्शकहरूको क्षमताको एक स्टेडियममा आयोजना भएको थियो।

यो खेल जितेर महेन्द्र सिंह धोनीको कप्तानीमा रहेको चेन्नई सुपर किंग्सले पाँचौं पटक यस प्रतियोगिताको च्याम्पियन बन्ने उपलब्धि हासिल गरेको छ । जियोसिनेमा एशियाको सबैभन्दा धनी व्यक्ति मुकेश अम्बानी र पारामाउन्ट ग्लोबलको संयुक्त उद्यम फर्म भियाकम १८ को स्वामित्वमा छ।

ब्लूमबर्गले भियाकम १८ प्रवक्तालाई उद्धृत गर्दै भन्यो कि लगभग ३ करोड २० लाख दर्शकहरूले जियोसिनेमामार्फत आईपीएल फाइनल हेरे। यो खेलमा धेरै दर्शकको उपस्थितिको एउटा कारण यो धोनीको अन्तिम व्यावसायिक खेल हुनेछ भन्ने अनुमान थियो। तर, धोनीले अर्को वर्ष प्रतियोगितामा फर्किने संकेत गरेका छन् ।

जियोसिनेमाले दर्शकहरूको लागि यस प्रतियोगिताको स्ट्रिमिङ निःशुल्क राखेको थियो। यसको सशुल्क सब्सक्रिप्शन सुरु हुँदैछ र त्यस पछि जियोसिनेमाले कस्तो प्रदर्शन गर्छ त्यो हेर्न बाँकी नै छ।

जियोसिनेमामा विज्ञापनदाता संख्या पनि द्रुत गतिमा बढेको छ। जसका कारण गत वर्षको तुलनामा डिजिटलमा राजस्व पनि बढेको छ। भारतीय क्रिकेट कन्ट्रोल बोर्ड (बीसीसीआई) ले आईपीएलको टिभी र डिजिटल प्रसारण अधिकार विभिन्न कम्पनीहरूलाई दिएको छ।

यस टूर्नामेन्टका खेलहरूको नि:शुल्क स्ट्रिमिङले जियोसिनेमालाई पनि फाइदा पुगेको छ। आईपीएल अल्ट्रा एचडी रिजोल्युसनमा स्ट्रिम गरिएको थियो। यस बाहेक, प्रयोगकर्ता-चयनयोग्य क्यामरा कोणहरू पनि उपलब्ध थिए।

यस बाहेक जियोसिनेमाले चलचित्र र वेब शृङ्खलाहरूको ठूलो सामग्री पनि घोषणा गरेको छ। गत वर्ष फिफा विश्वकप पनि यही प्लेटफर्ममा स्ट्रिम गरिएको थियो।