काठमाडौं ।
नवनियुक्त ट्विटर सीईओ लिन्डा याकारिनोले शनिबार एक ट्वीटमा उनी मालिक इलन मस्कको उज्ज्वल भविष्य सिर्जना गर्ने दृष्टिकोणबाट प्रेरित भएको र सोशल मिडिया प्लेटफर्मलाई रूपान्तरण गर्न मद्दत गर्न उत्साहित भएको बताएकी छन्।
बिहीबार ट्विटरको अर्को सीईओ बन्न वार्तामा रहेको खबर बाहिरिएपछि याकारिनोले सार्वजनिक रूपमा बोलेको यो पहिलो पटक हो। गत अक्टोबरमा ४४ अर्ब डलरमा ट्विटर खरिद गरेपछि सीईओको रूपमा काम गरिरहेका मस्कले शुक्रबार उनको नियुक्तिको बारेमा घोषणा गरेका हुन्।
“म लामो समयदेखि (मस्कको) उज्जवल भविष्य सिर्जना गर्ने दृष्टिकोणबाट प्रेरित भएको छु। म यो दृष्टिकोणलाई ट्विटरमा ल्याउन र यस व्यवसायलाई सँगै रूपान्तरण गर्न मद्दत गर्न पाउँदा उत्साहित छु!” याकारिनोले ट्वीट गरिन्।
कमकास्ट कर्पको एनबीसीयूनिभर्सलको विज्ञापन प्रमुखको रूपमा याकारिनोले आफ्नो विज्ञापन व्यवसायलाई आधुनिकीकरण गर्न धेरै वर्ष बिताईन्, आफू ट्विटरको भविष्यप्रति प्रतिबद्ध रहेको बताइन् र ट्विटर २.० निर्माण गर्न प्रयोगकर्ताको प्रतिक्रिया महत्त्वपूर्ण भएको बताइन्।
याकारिनोले त्यो सामाजिक मिडिया प्लेटफर्मको नेतृत्व लिनेछिन जुन विज्ञापन राजस्वमा डुबेको र उल्टाउन कोशिस गरिरहेको छ। यस्तै भारी ऋण बोझको साथ चुनौतीहरूले घेरिएको छ।
प्रकाशित: ३१ बैशाख २०८०, आईतवार
