गिलीको लन्डन ‘ब्ल्याक क्याब’ इकाईद्वारा नयाँ ठूलो ईभी प्लेटफर्म अनावरण

काठमाडौं ।

चिनियाँ अटो ब्राण्ड गिलीको लन्डन इलेक्ट्रिक भेहिकल कम्पनी (एलईभीसी) एकाइले शुक्रबार नयाँ, ठूलो इलेक्ट्रिक-भेहिकल (इभी) प्लेटफर्म सार्वजनिक गरेको छ। जुन मानिसहरूलाई बोक्नेदेखि कमर्शियल भ्यानसम्मका सवारी साधनहरूका लागि चिनियाँ कार निर्माताका अन्य एकाइहरूले पनि प्रयोग गर्न सक्ने बताएको छ।

एलईभीसीले चीन, स्वीडेन, बेलायत र जर्मनीमा पछिल्लो साढे दुई वर्षमा संयुक्त रूपमा विकास गरिएको स्पेस ओरिएन्टेड आर्किटेक्चर (एसओए) नामक प्लेटफर्मले लामो दायरा, छिटो चार्ज गर्ने क्षमता भएका इभीहरु र उन्नत चालक सहायता सुविधाहरू उपलब्ध गराउने बताएको छ।

कम्पनीका कार्यकारीहरूले लचिलो प्लेटफर्म पिकअप ट्रकहरू, ठूला एसयूभीहरू वा मोबाइल घरहरूसमेत इभीहरुको एक विस्तृत श्रृंखलाको लागि प्रयोग गर्न सकिने बताए।

तर उनीहरूले कुन ईभीहरु एलईभीसीलाई पहिले फोकस गर्नेछन्, नयाँ इभीहरु कहिले उत्पादन लाइन शुरु गर्न सक्छन् वा तिनीहरू कहाँ बनाइनेछन् भन्ने विवरणहरू प्रदान गर्न सकेनन्।

यस वर्षको सुरुमा, एलईभीसीले लन्डनको प्रसिद्ध कालो ट्याक्सीहरूको निर्मातालाई व्यावसायिक र यात्रुवाहक सवारीहरूको दायरासहितको उच्च-भोल्युम, सबै-इलेक्ट्रिक ब्रान्डमा परिणत गर्न ठूलो लगानीको योजना गरिरहेको बताएको थियो।

गिलीसँग धेरै ब्रान्डहरू छन् जसमा ब्रिटिश स्पोर्ट्सकार निर्माता लोटस, जीकर, भोल्भो र भोल्भोसँगको संयुक्त उद्यम मार्फत पोलस्टार छ।