३२ हजार किलोमिटर भन्दा बढीको गतिमा आउँदैछन् ५ ओटा क्षुद्रग्रह !

काठमाडौं ।

क्षुद्रग्रह वा एस्टेरोइड विगत केही दिनदेखि लगातार पृथ्वीको छेउबाट गुज्रिरहेको छ। लगभग हरेक दिन, अन्तरिक्ष एजेन्सी नासाले कुनै न कुनै क्षुद्रग्रह पृथ्वीको नजिक आउँदै गरेको बारेमा अलर्ट जारी गरिरहेको छ। यी उल्का पिण्डहरू अन्तरिक्षमा निरन्तर घुमिरहन्छन् र ग्रहहरूको नजिक हुँदै जान्छन्। तर एउटा क्षुद्रग्रह पृथ्वीको एकदमै नजिक जाँदा अलर्ट जारी गरिन्छ।

नासाले अब १ वा २ नभई ५ ओटा क्षुद्रग्रह पृथ्वीबाट गुज्रने चेतावनी दिएको छ। यी मध्ये एउटा क्षुद्रग्रह हाम्रो पृथ्वीको चन्द्रमा जत्तिकै नजिकबाट गुज्रिरहेका छन्। आउनुहोस्, यी पाँच ठूला चट्टानबाट पृथ्वीलाई कति खतरा रहेको छ जानौं।

अन्तरिक्ष एजेन्सी नासाले धेरै उल्कापिण्ड वा क्षुद्र ग्रह पृथ्वीको नजिकबाट गुज्रिरहेको भन्दै अलर्ट जारी गरेको छ। नासाको जेट प्रोपल्सन ल्याबोरेटरी (जेपीएल)का अनुसार एस्टेरोइड २०२३ एचभी५ हिजो अर्थात मे ३ तारिखमा पृथ्वीको नजिकबाट गुज्रिएको थियो। यसको साइज ४१ फिट छ जुन एउटा बस जत्तिकै ठूलो छ। जब यो पृथ्वीको सबैभन्दा नजिक हुन्छ भने यसको दुरी करिब ४३५,००० किलोमिटर हुनेछ ।यसको गति ३२१५२ किमी/घन्टा रहेको छ। यो क्षुद्रग्रह पृथ्वीको उपग्रह चन्द्रमा जत्तिकै नजिक भएर जाने बताइएको छ।

अर्को क्षुद्रग्रह २०२३ एचएफ ७ आज अर्थात मे ४ तारिख पृथ्वीको नजिकबाट जाँदैछ। यसको साइज ५१ फिट रहेको बताइएको छ। यो घर जत्तिकै ठूलो छ। यो पृथ्वीको धेरै नजिक आउन लागेको छ र यसको दुरी पृथ्वीबाट ६ लाख ३९ हजार किलोमिटर हुनेछ। यस बाहेक मे ४ मा नै एस्टेरोइड २०२३ एचएच ७ पनि पृथ्वीबाट गुज्रने छ। यसको साइज ८९ फिट रहेको बताइएको छ। यो एक हवाईजहाज जस्तै ठूलो छ। जब यो पृथ्वीको नजिक पुग्छ, यसको दूरी ८ लाख ३९ हजार किलोमिटर हुनेछ।

मे ४ मा नै अर्को क्षुद्रग्रह पनि पृथ्वीको नजिक सरिरहेको छ। यसको नाम २०२३ एचजेड ४ राखिएको छ । मे ४ मा पृथ्वीको नजिक आउने भनिएको यो तेस्रो क्षुद्रग्रह हो, जुन पाँच उल्कापिण्डमध्ये सबैभन्दा ठूलो हो। यसको साइज १८० फिटको रहेको बताइएको छ। यो एउटा ठूलो विमान जत्तिकै ठूलो छ। जब यो पृथ्वीको नजिक जान्छ, यसको दूरी ३० लाख ८० हजार किलोमिटर हुनेछ। यदि तपाईंले आकारको आधारमा यसलाई हेर्नुभयो भने, यो क्षुद्रग्रह सबैभन्दा सम्भावित खतरा हुन सक्छ।

यसपछि मे ५ तारिखमा अर्को क्षुद्रग्रह पृथ्वीबाट गुज्रनेछ। यी तीन दिनमा पृथ्वीको नजिक आउने यो पाँचौं क्षुद्रग्रह हुनेछ। यसको नाम २००६ एचएक्स ५७ (2006 HX57) भनिएको छ। यो ९४ फिट अग्लो एस्टेरोइड हो जुन मे ५ मा पृथ्वीको नजिक आउँदैछ। जब यो पृथ्वीको सबैभन्दा नजिक हुनेछ, त्यसपछि यसको दूरी २६ लाख किलोमिटर हुनेछ।

यद्यपि नासाले यी मध्ये कुनै पनि क्षुद्रग्रह पृथ्वीमा ठोक्किने वा अति खतरा रहेको जानकारी दिएको छैन। तर यदि कुनै ठूलो क्षुद्रग्रह पृथ्वीतर्फ आकर्षित भयो भने यसले ठूलो क्षति पुर्याउन सक्छ । नासाले प्रायः क्षुद्रग्रहको बारेमा अलर्ट जारी गर्छ। यस वर्ष क्षुद्रग्रह पृथ्वीको नजिक आउने घटनाहरू लगातार सार्वजनिक भइरहेका छन्।