काठमाडौं ।
गत वर्ष, ताइवानको इलेक्ट्रिक स्कुटर निर्माता गोगोरोले भारतमा आफ्नो ब्याट्री स्वापिङ सेवाको परीक्षण सुरु गरेको थियो। अब गोगोरोले भारतीय शहर दिल्ली एनसीआरमा आफ्नो ब्याट्री स्वापिङ प्लेटफर्मका साथै स्मार्ट स्कूटरहरू लन्च गरेको छ।
मिडिया रिपोर्टका अनुसार, कम्पनीको गुरुग्राममा चार र दिल्लीमा दुई ओटा ब्याट्री स्वापिङ स्टेशनहरू छन्। यसले जीप्प (Zypp) इलेक्ट्रिकसँग साझेदारी गरेको छ। यसअन्तर्गत विद्युतीय स्कुटरहरू डेलिभरीका लागि प्रयोग गरिनेछ। यी ब्याट्री स्वापिङ स्टेशनहरू प्रकृतिमा मोड्युलर छन् र विभिन्न स्थानहरूमा फिट गर्न सकिने बताईएको छ।
मौसम परिवर्तनबाट प्रभावित नहुने र दिनमा २०० भन्दा बढी ब्याट्री बदल्न सक्ने कम्पनीको दाबी छ। यससँगै गोगोरोले नयाँ प्रविधिबाट केही सेकेण्डमै ब्याट्री परिवर्तन गर्न सकिने बताएको छ। यी स्टेशनहरू सफ्टवेयरमा चल्छन् जसले हार्डवेयर व्यवस्थापन गर्न सक्छ र ब्याट्रीहरूलाई निरन्तर निगरानी गर्न सक्छ।
गोगोरोको भारत इकाईका महाप्रबन्धक कौशिक बर्मनले भने, “कम्पनीका लागि भारत महत्त्वपूर्ण बजार हो। जीप इलेक्ट्रिकसँगको साझेदारीमा हामी उत्कृष्ट ईभी प्रविधि र पूर्वाधार ल्याउन सक्छौं। हामी देशमा हाम्रो व्यापार विस्तार गर्ने योजनामा छौं।”
गोगोरोसँग एशियामा डिलरशिप र स्वापिङ स्टेशनहरूको विस्तृत नेटवर्क छ। कम्पनीको नेटवर्कले धेरै देशहरूमा २ हजार भन्दा बढी स्थानहरूमा १० हजार भन्दा बढी ब्याट्री स्वापिङ प्लेटफर्महरू समावेश गर्दछ।
गत वर्ष, गोगोरोले नयाँ इलेक्ट्रिक स्कुटर डिलाइट लन्च गरेको थियो। यसको डिजाइन विशेष गरी महिलाहरूको लागि डिजाइन गरिएको हो। यो इलेक्ट्रिक स्कुटरले एकै पटक चार्जमा १५० किलोमिटरको रेन्ज दिन सक्छ।
प्रकाशित: १४ बैशाख २०८०, बिहीबार
