काठमाडौं ।
चीनको सर्च इन्जिन बैदुले एप विकासकर्ता र एप्पल विरुद्ध मुद्दा दायर गरेको छ। बैदुले एप स्टोरमा नक्कली एर्नी बोट एप राखेको भनेर मुद्दा दायर गरेको रोयटर्सले उल्लेख गरेको छ।
गत महिना लन्च गरिएको कम्पनीको आर्टिफिसियल इन्टेलिजेन्सद्वारा संचालित एर्नी बोटलाई अमेरिकाद्वारा विकसित च्याटबोट च्याटजीपीटीलाई चीनको सबैभन्दा नजिकको उत्तरको रूपमा लिइएको छ।
बैदुले आफ्नो एर्नी बोट र एप्पल कम्पनीको नक्कली एप्लिकेसनको पछाडिको विकासकर्ता विरुद्ध बेइजिङ हाइडियन जन अदालतामा मुद्दा दायर गरेको बताएको छ।
‘वर्तमानमा एर्नीसँग कुनै आधिकारिक एप छैन,’ बैदुले शुक्रबार आफ्नो आधिकारिक ‘बैदु एआई’ विच्याट अकाउन्टमा पोष्ट गरेको विज्ञप्तिमा भनिएको छ।
कम्पनीले अदालतमा दायर गरेको तस्बिर सहित पोष्ट गरेको छ।
‘हाम्रो कम्पनीको आधिकारिक घोषणा नभएसम्म, तपाईंले एप स्टोर वा अन्य स्टोरहरूबाट देख्नुहुने कुनै पनि एर्नी एप नक्कली हो,’ यसमा भनिएको छ।
प्रकाशित: २८ चैत्र २०७९, मंगलवार
