काठमाडौं ।
चालु आर्थिक वर्ष २०७९/८० को पहिलो ८ महिनामा करिब १३ करोड रुपैयाँको इलेक्ट्रिक साइकल नेपाल भित्रिएको छ।
फागुन मसान्तसम्म १२ करोड ९९ लाख ३ हजार रुपैयाँ बराबरको ३ हजार ३९५ यूनिट इलेक्ट्रिक साइकल नेपाल भित्रिएको भन्सार विभागको तथ्यांकमा देखिन्छ।
इलेक्ट्रिक साइकलको आयातबाट सरकारले ३ करोड १४ लाख ४१ हजार रुपैयाँ राजश्व प्राप्त गरेको छ।
माघमा ३१२ करोड ४ लाख ६९ हजार रुपैयाँ बराबरको ३ हजार २१० यूनिट इलेक्ट्रिक साइकल नेपाल आयात भएको थियो।
इलेक्ट्रिक साइकल चीन, भारत, कतार, थाइल्याण्ड, ताइवान र यूएईबाट नेपाल आउने गरेको देखिन्छ।
सबैभन्दा धेरै चीनबाट ९ करोड ३ लाख १० हजार रुपैयाँ बराबरको २ हजार ७८८ यूनिट इलेक्ट्रिक साइकल आएको छ।
भारतबाट ३ करोड ३६ लाख ९९ हजार रुपैयाँ बराबरको ५८९ यूनिट इलेक्ट्रिक साइकल आयात भएको देखिन्छ।
ताइवानबाट ५७ लाख ९८ हजार रुपैयाँ बरारबको १४ यूनिट इलेक्ट्रिक साइकल नेपाल भित्रिएको छ।
यूएईबाट २ र कतारबाट १ यूनिट इलेक्ट्रिक साइकल नेपाल ल्याइएको भन्सार विभागको तथ्यांकमा देखिन्छ।
प्रकाशित: १२ चैत्र २०७९, आईतवार
