बीवाईडीले बेलायतको कार भाडामा दिने फर्म अक्टोपस ईभीलाई ५,००० ईभी उपलब्ध गराउने

काठमाडौं ।

बीवाईडीले गत हप्ता आधिकारिक रूपमा बेलायतको यात्री कार बजारमा प्रवेश गरेको घोषणा गरेसँगै स्थानीय कार भाडामा दिने कम्पनीसँग खरिद सम्झौतामा हस्ताक्षर गरेको छ।

बीवाईडीले बेलायतमा रहेको अक्टोपस इलेक्ट्रिक भेइकल्स (अक्टोपस इभी) सँग मार्च १० मा साझेदारी गरेको छ, जसले आगामी ३ वर्षमा ५,००० बीवाईडी विद्युतीय सवारीसाधन खरिद गर्ने योजना बनाएको छ।

प्रारम्भिक अर्डरमा बीवाईडी एट्टो ३, अल इलेक्ट्रिक सी-सेगमेन्ट एसयूभी समावेश हुनेछ जुन यो महिना बेलायतमा डेब्यु भएको थियो।

चिनियाँ नयाँ ऊर्जा वाहन (एनईभी) निर्माताका अनुसार बेलायतमा बीवाईडी सवारी साधनहरू भाडामा दिने सबैभन्दा किफायती तरिका मध्ये एक, तलब बलिदानी (स्यालरी स्याक्रिफाईङ्ग) कार्यक्रमको साथ गाडीहरू अफर गरिनेछ।

यस व्यापारिक सम्बन्धको सुरुवातले भविष्यमा थप अर्डरहरूको लागि योजनाहरू सहित, अक्टोपस ईभीलाई बेलायतमा तलब बलिदान योजनाको लागि बीवाईडी साझेदार बन्नको लागि जग बनाउने कम्पनीले भनेको छ।

तलब बलिदान कार्यक्रम भनेको कर्मचारीको नगद क्षतिपूर्तिको हकलाई घटाउने सम्झौता हो, यो सामान्यतया गैर-नगद लाभको बदलामा हुने गर्दछ।

२०१८ मा स्थापित, अक्टोपस ईभी अक्टोपस एनर्जी ग्रुपको सहायक कम्पनी हो, जो बेलायतमा रहेको युरोपको सबैभन्दा ठूलो नवीकरणीय ऊर्जा लगानीकर्ताहरू मध्ये एक हो।

अक्टोपस इभीले आफ्नो मूल कम्पनी मार्फत विद्युतीय सवारीसाधन भाडामा दिने, चार्जिङ पोस्ट स्थापना, र विद्युतीय सवारीका लागि विशेष छुट ट्यारिफलगायत सेवाहरू प्रदान गर्दछ।

बेलायतमा बीवाईडी एट्टो ३ को मूल्य ३६,४९० पाउण्डमा सुरु हुने बीवाईडीले जनाएको छ।