काठमाडौं ।
भारतको इलेक्ट्रिक दुई पाङ्ग्रे सवारी कम्पनी ओला इलेक्ट्रिकले एस १ र एस १ प्रो ई-स्कुटरको अगाडिको फोर्कहरू प्रतिस्थापन गर्ने घोषणा गरेको छ। यसका लागि ग्राहकले केही तिर्नुपर्ने छैन। यो २२ मार्च देखि सुरु हुनेछ र यस बारे विस्तृत जानकारी कम्पनीले छिट्टै दिने बताईएको छ।
ओला इलेक्ट्रिकका अनुसार यो अपग्रेडेड फोर्क हुनेछ जसमा डिजाइन परिवर्तन गरिएको छ। यसले एस १ र एस १ प्रोको शक्ति बढाउने भारतीय मिडियाहरुले रिपोर्ट गरेका छन्।
कम्पनीले एक प्रेस विज्ञप्तिमा भनेको छ, “हालसालै, फ्रन्ट फोर्कको सुरक्षालाई लिएर ग्राहकहरूले केही आशंकाहरू उठाएका छन्। हामी तपाईंलाई आश्वासन दिन्छौं कि यो गलत हो। परीक्षण गरिएको छ।”
खाल्डोमा परेर ठोक्किएपछि विद्युतीय स्कुटरको फ्रंट फोर्क भाँचिएको केही घटनाहरू थिए। जसका कारण केही स्कुटर चालक घाइते भएका छन्। कंपनीले उक्त हिस्सालाई बलियो बनाएको छ जहाँ व्हीलद्वारा सस्पेन्शन जोडिन्छ। कम्पनीले एस १ र एस १ प्रोमा गेब्रियलद्वारा आपूर्ति गरिने सिंगल-साइडेड फ्रन्ट फोर्क डिजाइन प्रयोग गर्दछ।
ओला इलेक्ट्रिकको किफायती इलेक्ट्रिक स्कूटर एस १ एयरको अगाडि टेलिस्कोपिक फोर्कहरू प्रयोग गरिन्छ। गत वर्ष कम्पनीका केही विद्युतीय स्कुटरमा आगो लागेका कारण कम्पनीले समस्या भोगेको थियो । यसबाहेक ओलाका विद्युतीय स्कुटरको दायरा र गुणस्तरबारे पनि गुनासो आएको थियो।
प्रकाशित: २ चैत्र २०७९, बिहीबार
