बीवाईडीसँग टेस्ला ब्याट्री आपूर्ति सहयोग समाप्त गर्ने रिपोर्ट गलत भएको मस्कको भनाई

काठमाडौं ।

टेस्ला इंकका प्रमुख कार्यकारी इलन मस्क र चिनियाँ विद्युतीय सवारी तथा ब्याट्री निर्माता कम्पनी बीवाईडी कम्पनी लिमिटेडले मंगलबार एक मिडिया रिपोर्टलाई अस्वीकार गरेका छन्। उक्त रिपोर्टमा अमेरिकी कम्पनीले ब्याट्री आपूर्तिमा बीवाईडीसँगको सहयोग समाप्त गरिरहेको उल्लेख छ।

कोरियन इकोनोमिक डेलीले आइतवार उद्योग स्रोतहरूलाई उद्धृत गर्दै टेस्लाले यस वर्षको सुरुमा उनीहरूको आपूर्ति सम्झौताको म्याद सकिएपछि केही टेस्ला मोडल ३ गाडीहरूको ब्याट्रीको अतिरिक्त आपूर्तिको लागि बीवाईडीलाई आग्रह नगरेको रिपोर्ट गरेको छ।

टेस्लाले एलएफपी (लिथियम आइरन फस्फेट) ब्याट्रीहरूबाट आगो दुर्घटनाहरूको श्रृंखलाबाट उत्पन्न हुने गुणस्तरीय समस्याहरूको कारणले बीवाईडीको ब्याट्रीहरू प्रयोग नगर्ने निर्णय गरेको रिपोर्टमा भनिएको छ।

“त्यो मिडिया रिपोर्ट गलत छ। टेस्ला र बीवाईडी बीचको सम्बन्ध सकारात्मक छ,” मस्कले मंगलबार एक ट्वीटमा भने।

एक बीवाईडी प्रवक्ताले सो जानकारी असत्य भएको र वास्तविक स्थिति संग लाइन नभएको बताईएको सीनएनईभीपोस्टले रिपोर्ट गरेको छ।