काठमाडौं ।
भारतीय मोबाइल अपरेटर भारती एयरटेलले आफ्नो नेटवर्कमा १ करोड अद्वितीय फाइभजी प्रयोगकर्ताहरूको कोशेढुंगोमा पुगेको जानकारी दिएको छ।
एयरटेलले आफ्नो ५जी सेवाहरू अक्टोबर २०२२ मा भारतमा सुरु गरेको थियो। गत वर्ष नोभेम्बरमा, एयरटेलले आफ्नो व्यावसायिक सुरुवातको ३० दिनभित्र आफ्नो नेटवर्कमा १० लाख अद्वितीय ग्राहक भएको रेकर्ड पनि बनाएको थियो। त्यसो गर्ने एयरटेल पहिलो भारतीय अपरेटर थियो।
भारती एयरटेलका सीटीओ रणदीप सेखोनले भने, “यो अझै प्रारम्भिक चरणमा छ, तर हामी हाम्रा ग्राहकहरूबाट प्राप्त प्रतिक्रियाबाट उत्साहित छौं। एयरटेल अधिकतम संख्यामा ग्राहकहरूलाई किफायती र दिगो जडान प्रदान गर्ने नेटवर्क विकास गर्न प्रतिबद्ध छ। अत्याधुनिक फाइभजी पूर्वाधार, बलियो साझेदार नेटवर्कको साथ, हामी देशभरका ग्राहकहरूलाई उत्कृष्ट ५जी प्लस सेवा प्रदान गर्दैछौं।”
यसैगरी एयरटेलले आफ्नो ५जी प्लस नेटवर्क सबै भारतीय राज्यहरूमा विस्तार भएको पनि रिपोर्ट गरेको छ।
कम्पनीले पछिल्लो एक वर्षमा फाइभजी क्षमताको प्रदर्शन गरेको जनाएको छ । यसले ग्राहकहरूको जीवन र व्यवसाय सञ्चालन गर्ने तरिका दुवैलाई परिवर्तन गर्नेछ। कम्पनीले हैदराबादमा भारतको पहिलो लाइभ ५जी नेटवर्क स्थापना गरेको छ। कम्पनीले आफ्ना सबै रिटेल स्टोरहरूमा फाइभजी अनुभव क्षेत्र पनि बनाएको जनाएको छ।
प्रकाशित: १७ फाल्गुन २०७९, बुधबार
