काठमाडौं ।
च्याटजीपीटीले बिस्तारै प्रयोगकर्ताहरू माझ आफ्नो छाप छोड्दैछ। यो भाइरल च्याटबोट सिर्जना गर्ने कम्पनी ओपनएआई, २०१५ मा स्थापना भएको थियो। भर्खरैका रिपोर्टहरू अनुसार, ओपनएआईले दर्जनौं पूर्व गुगल र फेसबुक कर्मचारीहरूलाई कार्य गर्नका लागि लिएको छ। यति मात्र होइन, पहिले अमेजन र एप्पलसँग काम गरिसकेका कर्मचारीहरू पनि ओपनएआई टोलीको हिस्सा हुन्।
एक बिजनेस इनसाइडर रिपोर्टअनुसार फेसबुक र गुगलका पूर्व कर्मचारीहरू ओपनएआईमा सामेल छन्। भर्खरै जारी गरिएको डाटाले ओपनएआईमा हाल लगभग ५९ पूर्व-गुगल कर्मचारीहरू र ३४ पूर्व-मेटा कर्मचारीहरू छन्। कम्पनीमा पूर्व-अमेजन र पूर्व-एप्पल कर्मचारीहरू पनि समावेश भएको रिपोर्टमा भनिएको छ।
ओपनएआईको नेतृत्व टोलीमा विशेष रूपमा शीर्ष प्राविधिक कार्यकर्ताहरू समावेश गरिएको छ जसले पहिले मेटा, गुगल र एप्पलसँग काम गरिसकेका छन्।
रिपोर्टका अनुसार ओपनएआईको स्थापना सन् २०१५ मा मानवतालाई एआईको सम्भावित खतराबाट बचाउने उद्देश्यले गरिएको थियो। साम अल्टम्यान र इलन मस्क कम्पनीका संस्थापक थिए। मस्कले सन् २०१८ मा ओपनएआईबाट राजीनामा दिएका थिए। २०१९ मा, ओपनएआईले माइक्रोसफ्टसँग साझेदारी गरेको थियो।
ओपनएआईले आफ्नो स्थापना पछि धेरै एआई उपकरणहरू विकास गरेको छ जसमा च्याटजीपीटी र डीएएलएलई (DALL.E)। यी दुबै नै आज धेरै लोकप्रिय छन् र विश्वभर प्रयोग भइरहेको छ।
हालै बेन एण्ड कम्पनीले ओपनएआईसँग आफ्नो साझेदारीको घोषणा गरेको छ।
प्रकाशित: १३ फाल्गुन २०७९, शनिबार
