Technology Khabar ८ फाल्गुन २०७९, सोमबार
काठमाडौं ।
लोकप्रिय सामाजिक सञ्जाल फेसबुकमा, प्रयोगकर्ताहरूले आफ्नो एकाउन्ट मेटाउने (डिलिट गर्ने) र निष्क्रिय गर्ने (डिएक्टिभेट) विकल्प पाउँछन्। फेसबुक खाता मेटाउने र निष्क्रिय गर्ने बीचको भिन्नता यो हो कि यदि तपाईंले आफ्नो एकाउन्ट वा खाता निष्क्रिय गर्नुभयो भने, तपाईंले आफ्नो एकाउन्ट पुन: सक्रिय गर्न सक्नुहुन्छ।
अर्कोतर्फ, यदि तपाईंले आफ्नो एकाउन्ट एक पटक डिलिट गर्नुभयो भने, तपाइँको पोस्ट, फोटो, भिडियो र कमेन्टहरू तपाइँको खातासँगै फेसबुकबाट सदाका लागि हटाइनेछ।
यदि तपाइँ फेसबुकमा तपाइँको अनलाइन गोपनीयताको बारेमा चिन्तित हुनुहुन्छ वा तपाइँ आफूलाई सोशल मिडियाबाट टाढा राख्न चाहनुहुन्छ भने, फेसबुकमा तपाइँको एकाउन्ट निष्क्रिय वा मेटाउन सक्नुहुन्छ।
यहाँ हामी तपाईंलाई फेसबुक एकाउन्ट निष्क्रिय गर्ने र डिलिट गर्ने बारे जानकारी दिइरहेका छौं।
फेसबुक एकाउन्ट कसरी डिलिट गर्ने
स्टेप १: तपाईको फेसबुक एकाउन्टमा लगइन गर्नुहोस्।
स्टेप २: अब तपाइँ सेटिंग्स एण्ड प्राइभेसीमा जानुपर्छ। यहाँ तपाईंले सेटिंग्स एण्ड सेक्युरीटीमा क्लिक गर्नुपर्नेछ।
स्टेप ३: अब तपाईंले प्राइभेसीमा क्लिक गर्नुपर्नेछ र यहाँ तपाईंले फेसबुक इन्फर्मेशन विकल्पमा क्लिक गर्नुपर्नेछ।
स्टेप ४: यहाँ तपाईंले अन्तिममा डिएक्टिभेसन एण्ड डिलिटेसन विकल्प देख्नुहुनेछ। अब तपाईंले डिएक्टिभेट एण्ड डिलिट को विकल्प मध्ये कुनै एक रोज्नुपर्छ। जसले तपाईँको एकाउन्ट मेटाउने वा निष्क्रिय गर्ने सुबिधा दिन्छ।
हामीले तपाईंलाई पहिले नै सूचित गरिसकेका छौं कि तपाईंको खाता निष्क्रिय गरिसकेपछि पनि, चाहेको खण्डमा तपाईंले भविष्यमा आफ्नो एकाउन्ट पुनः सक्रिय गर्न सक्नुहुन्छ।
तर जहाँ एक पटक फेसबुक अकाउन्ट डिलिट गरेपछि भविष्यमा फेरि फेसबुक एकाउन्ट एक्टिभेट गर्न नपाउने भएकाले नयाँ एकाउन्ट बनाउनुपर्ने हुन्छ। यसका साथै फेसबुकका पोस्ट, फोटो र भिडियोहरू जस्ता तपाईंको अन्य जानकारी र डाटा पनि डिलिट गरिनेछ।
प्रकाशित: ८ फाल्गुन २०७९, सोमबार
