काठमाडौं ।
बेलायत र अमेरिकाले हालैका र्यान्समवेयर आक्रमणमा संलग्न भएको आरोपमा सात रुसी पुरुषलाई प्रतिबन्ध लगाएको छ।
बेलायतको विदेश कार्यालयले अमेरिकी अधिकारीहरूसँग मिलेर ती पुरुषहरूको तस्विर जारी गरेको छ। साथै उनीहरूको सम्पत्ति रोक्का र यात्रामा प्रतिबन्ध लगाएको बीबीसीले उल्लेख गरेको छ।
अमेरिकी अधिकारीहरूले उनीहरूलाई रुसमा आधारित ह्याकिङ नेटवर्क ट्रिकबोटका सदस्य भएको आरोप लगाएका छन्।
‘अन्तर्राष्ट्रिय साइबर–अपराधीहरूलाई बाधा पुर्याउन बेलायत र अमेरिकासँगको हाम्रो सहयोगी प्रयासहरूको लागि यो अत्यन्तै महत्वपूर्ण क्षण हो,’ नेशनल क्राइम एजेन्सीका महानिर्देशक ग्रीम बिगरले भने।
प्रतिबन्धहरू बेलायतको लागि आफ्नो प्रकारको पहिलो हो र बेलायत र हाम्रा सहयोगीहरूलाई प्रभाव पार्ने केही परिष्कृत र हानिकारक र्यान्समवेयरका लागि जिम्मेवार व्यक्तिलाई लक्षित गर्ने निरन्तर अभियानलाई संकेत गर्दछ,’ उनले भने।
नेशनल साइबर सेक्युरिटी सेन्टर, जीसीएचक्यूको एक भागले मूल्याङ्कन गरेअनुसार समूहका प्रमुख सदस्यहरूको रूसी गुप्तचर सेवाहरूसँग बलियो सम्बन्ध हुने ‘अत्यधिक सम्भावना’ छ। जसबाट उनीहरू कहिलेकाहीं निर्देशित हुन्छन्।
यो आरोपलाई समर्थन गर्न कुनै प्रमाण प्रदान गरिएको छैन।
बेलायत सरकारले र्यान्समवेयरलाई बेलायती स्कूलहरू, स्थानीय अधिकारीहरू र फर्महरू सहित हालैका पीडितहरूका साथ एक तहको राष्ट्रिय सुरक्षा खतराको रूपमा वर्गीकृत गरेको छ।
आरोपितहरुमा भिटाली कोभालेभ, भ्यालेरी सेडलेत्स्की, भ्यालेन्टिन कारियागिन, म्याक्सिम मिखाइलोभ, दिमित्री प्लेशेभस्की, मिखाइल इस्क्रितस्की र इभान भाखरोमेयेभ छन्।
प्रकाशित: २७ माघ २०७९, शुक्रबार
