सस्तो र सानो नयाँ टेस्ला मोडल ३ इलेक्ट्रिक कारको विवरण सार्वजनिक

काठमाडौं ।

टेस्लाले आफ्नो नयाँ मोडल ३ इलेक्ट्रिक कारको विवरण सार्वजनिक गरेको छ। कम्पनीको अहिलेसम्मकै सबैभन्दा सानो र सस्तो मोडल रहेको अटोट्रेडर यूलेले उल्लेख गरेको छ।

अमेरिकामा उत्सुक दर्शकहरूको अगाडि अनावरण गरिएको, नयाँ मोडल ३ ले टेस्लाका सबै अघिल्लो कारहरू जस्तै अल इलेक्ट्रिक हो। यद्यपि, यसको आकार र मूल्यले यसलाई ठूलो र महँगो मोडेल एक्स र मोडेल एस भन्दा धेरै फरक बनाउनेछ।

यद्यपि यूके मूल्यहरू पुष्टि हुन बाँकी छ, पाँच सिट कारको मूल्य अमेरिकामा ३५ हजार अमेरिकी डलरबाट शुरु हुनेछ। यसको मतलब यो बीएमडब्ल्यू ३ सीरीज वा अडी ए४ लगायत कारहरू प्रयोग योजनामा रहेका ग्राहकहरुलाई आकर्षित गर्ने योजना बनाइएको छ।

४.६९ मिटर लामो, मोडेल ३ यी जर्मन प्रतिद्वन्द्वीहरू जस्तै लगभग उस्तै लम्बाइको छ र तिनीहरूकै समान ५ सिटको क्याबिन छ। बुट क्षमता – कारको अगाडि र पछाडि दुबै स्टोरेजसहित लगभग ४२५ लिटर छ, जुन अडी र बीएमडब्ल्यूमा प्रदान गरिएको ४८० लिटर भन्दा कम छ।

टेस्लाले शुरुवाती चरणमा दुई भर्सन ल्याउनेछ। वेसिक कारको आधिकारिक रेञ्ज २२० माइल हुनेछ र ५.६ सेकेन्डमा ६० माइल प्रति घण्टा गति पकड्न सक्षम हुनेछ। लङ रेञ्ज भर्सनले फुल चार्जमा ३१० माइल गर्न सक्छ र ५.१ सेकेन्डमा ० देखि ६० माइलको गति लिन सक्षम छ।

पहिलो मोडल ३ अल रियर–ह्वील ड्राइभमा उपलब्ध हुनेछन्। तर फोर ह्विल ड्राइभ भर्सन पनि आउने क्रममा छ। तीब्र भर्सनहरु आगामी वर्षमा आउने चर्चा छ।