काठमाडौं ।
छिमेकी चीनले एक्लै अन्तरिक्षमा आफ्नो स्पेस स्टेशन बनाएको छ। यसको नाम तियान्गोङ्ग (Tiangong) स्पेस स्टेशन हो। स्पेस स्टेशनको निर्माण गत वर्षको अन्त्यमा मात्र सम्पन्न भएको थियो। वास्तवमा, यो उपलब्धि मनाउन चीनले नयाँ सुन र चाँदीको सिक्का जारी गरेको छ।
रिपोर्टहरुका अनुसार चीनको पिपुल्स बैंकले तियाङगोङ स्पेस स्टेसनको समापनको सम्झनामा सुन र चाँदीको सिक्का जारी गरेको हो। चीनको अन्तरिक्ष स्टेशन अहिले सञ्चालनमा छ। चीन अब अन्तर्राष्ट्रिय अन्तरिक्ष स्टेशन (आईएसएस) मा निर्भर छैन। सन् २०११ देखि चीनलाई अन्तर्राष्ट्रिय अन्तरिक्ष स्टेशनबाट बाहिरै राखिएको छ। चिनियाँ अन्तरिक्ष स्टेशन तियाङगोङ मार्फत चीनले अब अमेरिका, रुस र युरोप जस्तै अन्तरिक्षमा आफ्नो प्रभुत्व देखाउन सक्नेछ।
चीनले धेरै वर्ष पहिले तियाङगोङ स्पेस स्टेशन निर्माण गर्ने योजना बनाएको थियो। गत वर्ष, चीनले कोर मोड्युल लन्च गर्यो र यससँग दुई ल्याबहरू थप्यो। यसपछि तियाङगोङ स्पेस स्टेशनको निर्माण सम्पन्न भयो। तर, चीनले हालै जारी गरेको ३ ग्रामको सुनको सिक्कामा तियाङगोङ देखाइएको छ।
चिनियाँ बैंकले जारी गरेको चाँदीको सिक्काले चिनियाँ अन्तरिक्ष स्टेशन बाहिर काम गरिरहेका दुई टाइकोनटलाई चित्रण गरेको छ। सुनको सिक्काको विपरीत, चाँदीको सिक्का अलि रंगीन रहेको छ। विशेष कुरा के छ भने चिनियाँ बैंकले जारी गरेको सिक्का सीमित संख्यामा मात्र छन्। यस्ता २० हजार सुन र ५० हजार चाँदीका सिक्का मात्रै आउने बताईएको छ।
यी सिक्काहरूको अगाडिको डिजाइन उस्तै छ, जसले सिक्का जारी गरेको वर्ष २०२२ को जनवादी गणतन्त्र चीनको प्रतीकको रूपमा चित्रण गर्दछ। चीनले आफ्नो अन्तरिक्ष स्टेशनको निर्माण पूरा भएको वर्षलाई सिक्काका लागि वर्ष छनोट गरेको हो। यी सिक्का शेन्जेन गुओबाओ मिन्ट कम्पनी लिमिटेडले बनाएका हुन् र वितरणको काम चाइना गोल्ड कोइन कर्पोरेशनले गरिरहेको छ।
यस बाहेक चीनले आफ्नो अन्तरिक्ष स्टेशन निर्माण पुरा भएको अवसर पारेर हुलाक टिकट समेत जारी गरेको छ। जसमा अन्तरिक्ष स्टेशनको गतिबिधिलाई झल्काईएको छ।
प्रकाशित: २८ पुष २०७९, बिहीबार
