काठमाडौं ।
एप्पल आपूर्तिकर्ता फक्सकनले विश्वको सबैभन्दा ठूलो आईफोन फ्याक्ट्रीमा अशान्ति पछि कामदार भर्ती प्रयास बढाएको छ।
चीनको झोंग्झाउ रहेको प्लान्टमा काम गर्न सावी वा परिवारको सदस्यलाई रिफर गर्ने कर्मचारलाई १४१ अमेरिकी डलर दिने कम्पनीले घोषणा गरेको बीबीसीले उल्लेख गरेको छ।
गत हप्ता व्यापक रुपमा अनलाइन प्रसारित फुटेजले फ्याक्ट्रीमा क्रोधित प्रदर्शन पछि कम्पनीबाट यस्तो निर्णय भएको हो।
चीनमा कोभिड प्रतिबन्धका कारण आईफोन १४ को ढुवानीमा ढिलाइ हुने भनेर एप्पलले चेतावनी दिएको छ।
फक्सकनका कर्मचारी जसले नयाँ भर्नालाई सिफारिस गर्छन् र यदि ती व्यक्तिले १५ दिनसम्म कम्पनीमा काम गरेमा ५०० युआन भुक्तानी गरिनेछ। नयाँ कर्मचारी एक महिनासम्म उक्त भूमिकामा कायम रहेका उनीहरुले थप ५०० युआन पाउनेछन्।
गत महिना, फक्सकनले कोभिड प्रतिबन्ध र भुक्तानीको दाबीलाई लिएर झेंग्झाउ शहरको कारखानामा विरोध प्रदर्शन पछि यसको भुक्तानी प्रणालीमा “प्राविधिक त्रुटि“ भएको भनेर माफी मागेको थियो।
प्रकाशित: १६ मंसिर २०७९, शुक्रबार
