काठमाडौं ।
गाडी चलाउँदै टिकटक बनाउने एकजना चालकलाई ट्राफिक प्रहरीले कारबाही गरेको छ। बागमती प्रदेश ००६ ख ३१७६ नम्बरको ट्रक ड्राइभर टिकटकमा लाईभ गर्दै गाडी चलाएको आरोपमा कारबाहीमा परेका हुन्।
एक ट्विटर प्रयोगकर्ताले उक्त नम्बरको ट्रक ड्राइभरले टिकटकमा लाईभ गर्दै गाडी चलाईरहेको भनेर ट्वीटमार्फत नेपाल प्रहरी हेडक्वाटर र काठमाडौं उपत्यका ट्राफिकलाई जानकारी गराएका थिए।
उक्त सवारी चालक मनोजकुमार श्रेष्ठलाई मंगलबार कारबाही गरिएसँगै एक घण्टाको सचेतना कक्षा समेत गराएको काठमाडौं उपत्यका ट्राफिक प्रहरी कार्यलयले ट्विटर मार्फत जानकारी दिएको छ।
https://twitter.com/being_nrb/status/1597043425140183040
उक्त बा.प्र.-०१-००६ ख ३१७६ नम्बरको सवारी साधनको चालकलाई मिति २०७९।०८।१३ गते कारवाही गरि एक घण्टाको सचेतना कक्षा समेत गराएका छौ। धन्यवाद । pic.twitter.com/DOApn5QqBv
— Kathmandu Valley Traffic Police Office (@valleytraffic) November 29, 2022
यसअघि देखिनै ट्राफिक प्रहरीले गाडी चालकहरुलाई सवारी साधन चलाईरहेको बेलामा मोबाइल फोन नचलाउन अनुरोध गर्दै आएको छ।
प्रकाशित: १३ मंसिर २०७९, मंगलवार
