काठमाडौं ।
अहिले हरेक घरमा इन्टरनेट र वाईफाई अत्यावश्यक जस्तै भईसकेको छ। र हाम्रा घरहरुमा पनि वाईफाई जोडिए गरिएको छ। अफिसबाट घर फर्किएपछि घरमै चलचित्र हेर्न वा गेम खेल्नको लागि पनि वाइफाइ चाहिन्छ। तर कहिलेकाहीँ वाईफाईले यति धेरै समस्या सिर्जना गर्दछ कि इन्टरनेटले काम गर्न सक्दैन।
यदि तपाईंले कहिल्यै यस्तो समस्याको सामना गर्नु भएको छ भने, आज हामी तपाईंलाई यसको समाधान बताइरहेका छौं । यसपछि तपाईं आफ्नो वाईफाईको गति कसरी बढाउन सक्नुहुन्छ भनेर जान्न सक्षम हुनुहुनेछ।
केबल जाँच गर्न आवश्यक छ:
कहिलेकाहीँ वाईफाई केबल खुकुलो हुन्छ। जसका कारण इन्टरनेटले पनि काम गर्न छाड्छ। तपाईं आफैँले पनि यसलाई ठीक गर्न सक्नुहुन्छ। यसमा कुनै रकेट साइन्स होईन। तपाईंले केबल हेर्नुपर्छ र यदि यो लुज वा खुस्किएको भने ठीक गर्नुहोस्। यसलाई त्यसरी नै राख्नुहोस जसरी पहिले राउटरमा राखिएको थियो। त्यस्तै राउटरको पोर्टहरु समेत ठिक भए नभएको चेक गर्नुस्।
लाइटहरू पनि महत्त्वपूर्ण छन्:
वाईफाईमा विभिन्न बत्तीहरू राखिएका हुन्छन् जुन बलिरहन्छ। हामी सोच्दछौं कि यसको कुनै उपयोग छैन। यदि तपाईंको राउटरमा रातो बत्ती बल्न थाल्छ भने, यसको अर्थ इन्टरनेट बन्द भएको छ। यदि तपाईंले आफ्नो वाईफाईमा यस्तो केहि देख्नुभयो भने, त्यसपछि वाईफाई अफ गर्नुहोस् र त्यस पछि फेरी यसलाई अन गर्नुहोस्। यसले इन्टरनेटलाई फेरि ठिक बनाउँछ। यदि कुनै लाइट बलेको छैन भने त्यसको बारेमा पनि हेर्नुहोस्।
पर्खालको छेउमा नराख्नुहोस्:
यदि तपाईंको वाईफाई राउटर पर्खाल भएको ठाउँमा इन्स्टल गरिएको छ भने राउटरको सिग्नलमा अवरोध आउन सक्छ। जसका कारण इन्टरनेट कनेक्सनमा पनि निकै समस्या भइरहेको हुन्छ। यदि तपाईँको राउटर त्यस्तो ठाउँमा इन्स्टल छ भने तुरुन्तै त्यसको स्थान परिवर्तन गर्नुहोस्।
एन्टेना मिलाउनुस्:
धेरै पटक वाईफाई राउटरको एन्टेना कुनै न कुनै कारणले दबिएको वा झरेको हुन्छ र हामीलाई यसको बारेमा थाहा हुँदैन। धेरैलाई लाग्छ कि यसले कुनै फरक पार्दैन। तर यो त्यस्तो होइन। यदि तपाइँको वाईफाई एन्टेना गलत स्थितिमा वा दिशामा छ भने, यसले तपाइँको इन्टरनेट गति कम गर्दछ। यस्तो अवस्थामा एन्टेनाको पोजिसन गडबड भएको छ भने पहिलेको जस्तै बनाउनुहोस् । एन्टेनालाई सँधै ठाडो पारेर राख्नुहोस्।
इलेक्ट्रोनिक्स उपकरणबाट टाढा राख्नुसः
आफ्नो वाईफाईमा प्रयोग गरिएको राउटरलाई हामी सकेसम्म अन्य इलेक्ट्रोनिक्स उपकरण वा वस्तुहरुका साथमा एकै स्थानमा राख्ने गर्दछौं । जसले गर्दा तपाईँको वाईफाई कनेक्सन तलमाथि हुने गर्दछ र इन्टरनेट सुस्त हुन्छ। राउटरलाई सकेसम्म अन्य इलेक्ट्रोनिक्स उपकरणबाट टाढा राख्नुहोस् । इलेक्ट्रोनिक्स उपकरणहरुले राउटरको सिग्नललाई रोक्ने वा कमजोर बनाउने हुन्छ। त्यसैले राउटरलाई सकेसम्म खुला स्थानमा राख्नुहोस्।
प्रकाशित: ३० कार्तिक २०७९, बुधबार
