साढे ८ अर्बको स्मार्टफोन आयात, कुन देशबाट कति?

काठमाडौं ।

चालु आर्थिक वर्ष २०७९/८० को पहिलो ३ महिनामा नेपालमा साढे ८ अर्ब रुपैयाँ बराबरको स्मार्टफोन आयात भएको छ।

भन्सार विभागको तथ्यांकअनुसार चालु आवको असोज मसान्तसम्म ८ अर्ब ५३ करोड ३० लाख ७४ हजार रुपैयाँ बराबरको ६ लाख १८ हजार ५२० युनिट स्मार्टफोन आयात भएको हो।

चालु आवको भदौमा ६ अर्ब १८ करोड ८ लाख ९६ हजार रुपैयाँ बराबरको ४ लाख ६० हजार ६९५ युनिट स्मार्टफोन आयात भएको थियो।

चालु आवको असोजमा मात्रै २ अर्ब ३५ करोड २१ लाख ७८ हजार रुपैयाँ बराबरको १ लाख ५७ हजार ८२५ युनिट स्मार्टफोन आयात भएको छ।

विभागको तथ्यांक अनुसार असोजमसान्तसम्म नेपालमा ४३ ओटा मुलुकबाट स्मार्टफोन आयात भएको देखिन्छ।

नेपालमा सबैभन्दा बढि स्मार्टफोन चीन र भारतबाट आयात हुने गरेको छ।

चीनबाट ६ अर्ब १८ करोड ६६ लाख २९ हजार रुपैयाँ बराबरको ४ लाख ६८ हजार ४६१ युनिट स्मार्टफोन आयात भएको छ।

भारतबाट २ अर्ब १२ करोड ३८ लाख ५६ हजार रुपैयाँ बराबरको १ लाख ४६ हजार ८८० स्मार्टफोन आयात भएको छ।

बाँकी ४१ मुलकबाट २२ करोड २५ लाख ८८ हजार रुपैयाँ बराबरको ३ हजार १७९ युनिट स्मार्टफोन आयात भएको छ।

स्रोत भन्सार विभाग