काठमाडौं ।
पहिले चाङ्गान निओको रूपमा चिनिने अवट टेक्नोलोजीले यसको पहिलो मोडेल अवट ११ (Avatr 11) टेक विशाल कम्पनी ह्वावेको बिक्री च्यानलमा प्रवेश गर्ने भएको छ। यस मोडेलको आधिकारिक अनावरण गत अगस्तमा भएको थियो।
अवटलाई चाङ्गान अटोमोबाइल, ह्वावे र सिएटीएलको समर्थन छ। ह्वावेसँग अवट ११ आधिकारिक रूपमा बेइजिङ र शेन्जेनमा रहेको टेक दिग्गजको फ्ल्यागशिप स्टोरहरूमा प्रवेश गर्ने सहमति भएको स्थानीय मिडिया केलियनले यस विषयमा परिचित स्रोतहरूलाई उद्धृत गर्दै भनेको छ।
अहिले सम्म, अवटसँग चीनमा ६० भन्दा बढी प्रत्यक्ष संचालित स्टोरहरू, ७० वितरकहरू र १५० भन्दा बढी साझेदार स्टोरहरू छन्, सीएनइभीपोस्टले रिपोर्टमा भनेको छ।
चाइना सेक्युरिटीज जर्नलले पछि अवट स्रोतलाई उद्धृत गर्दै रिपोर्ट सत्य भएको बताएको छ। अवटका गाडीहरू आधिकारिक रूपमा बेइजिङ र सेन्जेनमा रहेको ह्वावेका दुई फ्ल्यागशिप स्टोरहरूमा डिसेम्बरमा प्रवेश गर्ने बताईएको छ।
अवटलाई पहिले चाङ्गान निओ भनेर चिनिन्थ्यो, जुन १० जुलाई, २०१८ मा चाङ्गन र एनआईओद्वारा स्थापना गरिएको थियो र प्रत्येक पक्षको ५० प्रतिशत हिस्सेदारी थियो।
अगस्ट ८ मा, अवट ११ आधिकारिक रूपमा चीनमा लन्च गरिएको थियो, यसमा तीनओटा नियमित संस्करणहरू, सबै डुअल मोटरहरू सहित, क्रमशः ३४९,९०० युआन, ३६९,९०० युआन र ४०९,९०० युआनको मूल्यमा ल्याईएको थियो।
दुई न्यून मूल्यका संस्करणहरूको डेलिभरीहरू डिसेम्बरमा सुरु हुने अपेक्षा गरिएको छ, जबकि सबैभन्दा महँगो संस्करणको डेलिभरी अर्को वर्षको पहिलो क्वाटरमा सुरु हुने अपेक्षा गरिएको छ।
यी तीन नियमित संस्करणहरू बाहेक, अवटले अवट ०११ नामक सीमित संस्करण पनि प्रदान गर्दछ, जसको मूल्य ६००,००० युआन छ।
अवट ११ पछाडिको पखेटाले सुसज्जित छ जुन गति ९० किमी/घन्टा भन्दा बढी हुँदा स्वचालित रूपमा उठ्छ र गति ६० किमी/घन्टा भन्दा कम हुँदा फिर्ता बस्छ।
यो ह्वावेको ड्राइभवन (DriveONE) डुअल-मोटर फोर-ह्वील ड्राइभ प्रणालीमा क्रमशः १९५ किलोवाट र २३० किलोवाट फ्रन्ट र रियर मोटरहरू र अधिकतम ६५० एनएम टर्कले सुसज्जित छ। यसले ३.९८ सेकेन्डमा ० देखि १०० किमी/घण्टाको गति लिन सक्छ।
प्रकाशित: १४ कार्तिक २०७९, सोमबार
