काठमाडौं ।
क्लाउड सेवा र डाटा सेन्टरहरूमा ग्राहकहरुले खर्च घटाएर ग्लोबल टेक कम्पनीहरू मारमा परेका छन्। यी कम्पनीहरूमा माइक्रोसफ्ट, अमेजन र गुगल समावेश छन्। यसले यी कम्पनीहरूको लागि मन्दी समस्याहरूको सुरुवात संकेत गर्दछ।
क्लाउड सेवाहरू केही ठूला प्राविधिक कम्पनीहरूको लागि वर्षौंदेखि वृद्धिको चालक भएको छ। महामारीको समयमा यी सेवाहरूको माग बढेको थियो।
सबैभन्दा ठूलो ई-कमर्स कम्पनीहरू मध्ये एक अमेजनको क्लाउड सेवा शाखा अमेजन वेब सर्भिसेजको वृद्धि पछिल्लो चार त्रैमासिकमा सुस्त भएको छ। यसको खुद बिक्री जुलाई-सेप्टेम्बर त्रैमासिकमा करिब २८ प्रतिशतले बढेको छ, जुन अघिल्लो वर्षको सोही अवधिमा ३९ प्रतिशतले बढेको थियो। यो झण्डै दुई वर्षयताकै न्यून वृद्धि हो। छुट्टीको मौसममा कम बिक्री वृद्धिको पूर्वानुमान गरेपछि बिहीबार अमेजनको स्टक १२ प्रतिशतले तल झरेको थियो।
अर्को ग्लोबल सफ्टवेयर कम्पनी माइक्रोसफ्टको क्लाउड सर्भिस डिभिजन एजुरको राजस्व केही वर्षदेखि निरन्तर बढिरहेको थियो तर जुलाई-सेप्टेम्बरको अवधिमा घटेर ३५ प्रतिशतको हाराहारीमा पुगेको छ। अघिल्लो वर्षको सोही अवधिमा यस डिभिजनको वृद्धिदर झन्डै ५० प्रतिशत रहेको थियो।
इन्टरनेट सर्च इन्जिन गुगल चलाउने अमेरिकी कम्पनी अल्फाबेटको क्लाउड सेवा व्यवसाय पछिल्लो त्रैमासिकमा ३८ प्रतिशतले बढेको छ। तर, यो अघिल्लो वर्षको सोही त्रैमासमा ४५ प्रतिशतले बढेको भन्दा कम हो। गुगलले पनि केही देशहरूमा कानून उल्लङ्घनका कारण कठिनाइहरूको सामना गरिरहेको छ।
इंटेल, जसले एडब्लुएससहित धेरै डाटा सेन्टर ग्राहकहरूको लागि चिप्स बनाउँछ, जसले रिपोर्ट गरेअनुसार यस व्यवसायबाट तेस्रो त्रैमासिकमा आफ्नो राजस्व २७ प्रतिशतले घटेको छ र नाफा लगभग समाप्त भएको छ। चीनका उद्यमी ग्राहकहरूको मागमा आएको कमीका कारण कम्पनीलाई समस्या परेको हो।
प्रकाशित: १३ कार्तिक २०७९, आईतवार
