काठमाडौं ।
पछिल्ला केही महिनाहरूमा, आईटी क्षेत्रमा दोहोरो रोजगारी गर्ने विषय प्रमुख मुद्दा बनेको छ। यसैबीच, आईबीएमले कर्मचारीहरूलाई तिनीहरू कुनै अन्य काम वा परियोजनामा सामेल हुन नसक्ने भनेको छ किनकि यो कम्पनीसँगको उनीहरूको सम्झौताको विरुद्ध छ।
कम्पनीका (भारत र दक्षिण एसिया), प्रमुख सन्दिप पटेलले कर्मचारीहरूलाई भने, “दोस्रो काम पूर्णकालिक, अंशकालिक वा करारमा हुन सक्छ तर यो रोजगारी दायित्व र आईबीएमको हित विरुद्ध हो।”
पछिल्लो समय केही आईटी कम्पनीहरूले दोहोरो काम गर्ने कामदारलाई हटाउने जस्ता कडा कारबाही पनि गरेका छन्।
भारतको सबैभन्दा ठूलो आईटी सेवा कम्पनी टाटा कन्सल्टेन्सी सर्भिसेजले भर्खरै आफ्ना कर्मचारीहरूलाई यसबारे सचेत गराएको छ।
यस क्षेत्रको सबैभन्दा ठूलो ग्लोबल कम्पनी आईबीएमले कम्पनीमा रहँदा अन्य काम वा परियोजनाहरूमा काम गर्ने कर्मचारीहरूलाई पनि चेतावनी दिएको छ। दोहोरो काम गर्नुलाई ‘मूनलाइटिङ’ भनिन्छ।
धेरै कम्पनीहरूले महामारीको समयमा कर्मचारीहरूलाई घरबाट काम गर्ने सुविधा दिए। यसको फाइदा उठाउँदै मानिसहरूले अन्य काम वा परियोजनाहरू सुरु गरेका छन्।यसलाई कम्पनीहरु रोक्ने प्रयास गरिरहेका छन्।
प्रकाशित: ११ कार्तिक २०७९, शुक्रबार
