काठमाडौं ।
चालु आर्थिक वर्ष २०७९/८० मा नेपालमा टेलिकम्यूनिकेसन उपकरण र पार्टस् आयात घटेको देखिएको छ।
चालु आवको पहिलो दुई महिनामा ८४ अर्ब १६ करोड ३० लाख रुपैयाँको टेलिकम्यूनिकेसन उपकरण र पार्टस् आयात भएको नेपाल राष्ट्र बैंकले सार्वजनिक गरेको देशको वर्तमान आर्थिक तथा वित्तीय स्थितिमा देखिन्छ।
गत आव २०७८/७९ को सोही अवधिमा १ खर्ब २७ अर्ब ५८ करोड ८० लाख रुपैयाँको टेलिकम्यूनिकेसन उपकरण र पार्टस् आयात भएको थियो। गत आवको तुलनामा चालु आवको सोही अवधिमा ३४ प्रतिशतले टेलिकम्यूनिकेसन उपकरण र पार्टस्को आयात घटेको हो।
नेपालमा सबैभन्दा धेरै टेलिकम्यूनिकेसन उपकरण र पार्टस् चीनबाट आयात हुने गरेको छ। चीनबाट ६१ अर्ब ५३ करोड ८० लाख रुपैयाँ बराबरको टेलिकम्यूनिकेसन उपकरण र पार्टस् आयात भएको छ।
भारतबाट १८ अर्ब ९८ करोड २० लाख रुपैयाँको टेलिकम्यूनिकेसन उपकरण र पार्टस् आयात भएको छ।
अन्य मुलुकबाट ३ अर्ब ६४ करोड ३० लाख रुपैयाँ बराबरको टेलिकम्यूनिकेसन उपकरण र पार्टस् आयात भएको छ।
प्रकाशित: ६ कार्तिक २०७९, आईतवार
