काठमाडौं ।
ह्वावेले यस वर्षको सीड्स फर द फ्युचर सबै आईसीटी-सम्बन्धित विषयका स्नातक तहका विद्यार्थीहरूका लागि रहेको ग्लोबल फ्ल्यागशिप कार्यक्रम काठमाडौंमा समापन गरेको छ। कार्यक्रम पहिलो पटक थाइल्याण्डमा २००८ मा सुरु भएको थियो। त्यस लगायत १३० भन्दा बढी देश र क्षेत्रका १२,००० भन्दा बढी विद्यार्थीहरूले कार्यक्रममा भाग लिएका छन्।
यस वर्ष नेपालभरबाट २५६ आवेदन प्राप्त भएको कम्पनीले जनाएको छ। त्यसपछि प्रा. डा. शशिधर राम जोशी, प्रा. तिमिला यमी थापा, प्रा. डा. सुवर्ण शाक्य र प्रा. डा. मनिष पोखरेलले लिनु भएको जीपीए, प्रेरणा पत्र र छनोट अन्तर्वार्ताका आधारमा ७ जना विद्यार्थी छनोट भएका थिए। नेपालबाट छनोट भएका ७ विद्यार्थी यी हुन्:
निर्माण खड्का – काठमाडौं विश्वविद्यालय
बंशज पौडेल – मदन भण्डारी मेमोरियल कलेज
जतिन भुसाल – ख्वप ईन्जिनियरिङ कलेज
रीया बैद्य – पुल्चोक क्याम्पस
नदिका पौडेल – पुल्चोक क्याम्पस
प्रज्ञा मल्लिक – काठमाडौं विश्वविध्यालय
अजु तामाङ – अमृत साइन्स क्याम्पस
जुलाईमा छनोट भएदेखि विद्यार्थीहरूले विभिन्न संलग्नताहरू मार्फत नेपालको आईसीटी उद्योगमा इन्साइट प्राप्त गरे । विद्यार्थीहरूले नेपालमा डाटा सेन्टर ब्यापार सम्बन्धी कक्षाहरू लिए, डिशहोमका कार्यालयहरूमा गएर एफटीटीएच इन्टरनेटले कसरी काम गर्छ भन्ने कुरा सिके र काठमाडौंको चाइना कल्चर सेन्टरमा भएको चाइनिज क्यालिग्राफी र चाइनिज पेपर कटिङ वर्कशपमा भाग लिए। युनेस्कोले संगठनको “द नेक्स्ट ५०” अभियानको एक हिस्साको रूपमा विद्यार्थीहरूलाई पनि संलग्न गराउँदै आएको छ।
विद्यार्थीहरूले अगस्ट १९ देखि अगस्ट २७ सम्म बैंककमा आयोजित पहिलो क्षेत्रीय अनसाइट कार्यक्रममा भाग लिएका थिए जहाँ उनीहरूले मेटाभर्स, ५जी, एआई, क्लाउड कम्प्युटिङ, डिजिटल पावर र अन्य इमर्जिंग प्रविधिहरूका बारेमा सिकेका थिए र ५जीका व्यावहारिक एप्लिकेसनहरू हेर्नुका साथसाथै १६ देशका ११६ विद्यार्थीहरूसँग क्रस-कल्चुरल शिक्षामा पनि सहभागि भएका थिए ।
उनीहरूले “ टेक फर गुड” प्रतियोगितामा भाग लिए जहाँ उनीहरूलाई रीयल-वर्ल्ड वातावरणीय वा सामाजिक समस्याहरू विरुद्ध लड्न मौलिक विचारको साथ आउन आवश्यक थियो । क्लाउड, एआई र ब्लकचेन प्रविधि प्रयोग गरेर नक्कली औषधि पत्ता लगाउनको लागि अद्वैत, वान-स्टेप सोलुसनको आफ्नो विचार पनि प्रदर्शन गरे ।
अगस्ट २९ – सेप्टेम्बर २ सम्म सिंगापुरमा आयोजित टेक फर गुड एक्सेलेटर क्याम्पमा सहभागी हुने २४ मध्ये ७ विजेता टोलीमध्ये टिम नेपाल एक थियो । सिंगापुरमा विद्यार्थीहरूले सिंगापुरस्थित ह्वावे कार्यालयको भ्रमण गरे। उनीहरूले आफूलाई तोकिएको सल्लाहकारसँग काम गर्दा व्यवसाय मोडेल विकास र डिजाइन थिकिंगको बारेमा पनि सिके। उनीहरू आफ्नो विचार सुधार गर्न सक्षम भए र यसलाई कसरी लगानीकर्ताहरूमाझ ल्याउने भनेर सिके। विद्यार्थीहरूहरूले सेप्टेम्बरको अन्त्यमा मुक्तिनाथमा ह्वावे-निर्मित बेस स्टेशनको पनि भ्रमण गरेका थिए।
कार्यक्रममा बोल्दै सञ्चार तथा सूचना प्रविधि मन्त्रालयका सहसचिव अनिलकुमार दत्तले समापन समारोहमा सहभागी हुन पाएकोमा र प्रतिभाशाली विद्यार्थीलाई भेट्न पाएकोमा खुशी व्यक्त गरे।
प्रा. डा. शशिधर राम जोशीले सीड्स फर द फ्युचर कार्यक्रममा छनोट भएकोमा विद्यार्थीहरुलाई बधाई दिए। थाइल्यान्ड र सिङ्गापुरमा भएको ज्ञान आदानप्रदान सेसनले उनीहरूलाई आफ्ना विचारहरू प्रस्ट्याउन मद्दत गरेको र उनीहरू भविष्यका उद्यमी बन्न सक्ने उनले आशा व्यक्त गरे।
प्रा. तिमिला यामी थापाले सीड्स फर द फ्युचर विद्यार्थीका लागि आफ्नो प्रतिभा र सीपलाई परिष्कृत गर्ने ठूलो अवसर भएको बताइन्।
प्रा. डा. सुवर्ण शाक्यले सीड्स फर द फ्युचर जस्ता कार्यक्रमहरूमा ध्यान केन्द्रित गरेको र नेपाललाई सहयोग गरेकोमा ह्वावेलाई धन्यवाद व्यक्त गरे। “मलाई आशा छ ह्वावेले भविष्यमा अनुसन्धानमा आधारित सहकार्यका लागि विश्वविद्यालयहरूसँग पनि काम गर्नेछ,” उनले भने।
नेपाल सरकारको ई-गभर्मेन्ट आयोगका प्रमुख कार्यकारी अधिकृत ई. दिपेश विष्टले यति सानै उमेरमा ह्वावेको सिड्स फर द फ्युचर जस्तो प्लेटफर्म पाउनु विद्यार्थीहरु भाग्यमानी भएको बताए। “यस्तो कार्यक्रम १५ वर्ष पहिले सुरु भएको भए म सहभागी हुने थिए। यो देशलाई अझ राम्रो बनाउन प्रयास गरेकोमा म ह्वावेलाई धन्यवाद दिन चाहन्छु,” उनले भने।
ह्वावे नेपालका प्रमुख कार्यकारी अधिकृत विलियम चाङले ह्वावेले प्रतिभाशाली विद्यार्थीहरूलाई अन्तर्राष्ट्रिय एक्सपोजर र सिकाइको लागि प्लेटफर्म उपलब्ध गराउन सक्षम भइरहन चाहेको बताए।
प्रकाशित: २ कार्तिक २०७९, बुधबार
